الارز بالخلطة من مطبخي بالصور

الارز[/url] بالخلطه من مطبخي

-1-الارز علي حسب الرغبه اذا كان طويل فيجب التنقيع لمدة ساعه قبل الطبخ ومن ثم وضوع نفس المقادير الارز والماء اما الارز القصير فيجب وضع مقدار الارز اكثر من الماء حتي تلاحظي ان الملعقه اصبحت تقف في الحله

-2-اللحم حسب الرغبه الدجاج او اللحم الضان او البقري اي شئ لكن الاكثر يستخدم اللحم

-3-البصل مقسوم علي اربعه

-4-الطماطم ايضا مقسوم علي اربعه

-5-التوابل

-ملح

-فلفل اسود

-قرفه

-زنجبيل

-حرارات او مايقال له السبع بهارات

-حب الهيل

-في ليبيا نستخدم بهارات غير مطحونهيعني حب لكن تقدري تستخدمي حتي المطحونه مش مشكله

6-الكبدة والقلب والكلاوي واذا ليس عندك تقدري تحطي بدلها لحم مقطع عادي

-7-زبيبوالافضل تنقعيه في الماء الزهر لان يكون احلي

-8-اللوز والصنوبروتقدري اديري لوز بس او تزيدي مكسرات في منطقه في ليبيا البيضاء ايديروا حتي الكاكاوية وهي الفول السوداني

الطريقه

-تضعي اللحم او الدجاج في الحله او الطنجرة وتضعي اللحم والبصل والطماطم والتوابل وتخلي النار في البدايه عاليه لدرجه الغليان ثم التخفيض وتجهزي اللوز والكبده والزبيب تقلي كل واحد علي حدا وبعدها تحطي الارز كما شرحت سابقا وتخليها في البدايه نار عاليه لمدة خمس دقايق ثم تخفضي الي رقم واحد او اثنين وبعد اتطيب اتخلطي الارز بشوية زهر وقرفه وتخلطي الخلطه اللي هي الزبيب واللوز والكبده وتاكلوا بالهنا

رااااااائع يا مرام
امتى تعزميني عليه الارز بالخلطة من مطبخي بالصور 783387

خوذي اول سرفيس وتعاليلي ولايهمك ومعاه مصارين ومصير وبطاطا مبطنه ولايهمك

يا سلام يا مرام

دا جميل جدا

وشكله توحفه

تسلم ايدك يا قمر

شكرا للمرور يايورا واسمك اسم بنتي الدلع هي اسمها يارا ههههههو الارز بالخلطة من مطبخي بالصور 29742

ما شاء الله

تسلم ايديك شكله يجنن, وطعمه أكيد روعه

حبيبتي جنن عدوك واللي يكرهك وتسلمي هضا من ذوقك

يم يم يم جوعتني ما فيش ليا شوية
تسلمي علي الرز

تسلمي ياسومة ياريتك جارتي مش خسارة فيك عيوني

تسلم ايادى توه طلعتى الارز بالخلطة من مطبخي بالصور 486360

بس عطينى غرفه عشان اندوقه

شرفتي الموضوع واللهي مش خسارة فيك بس اذا جيت لبنغازي وقتلك تعالي راكي تخطي تعالي عشان نديره لكي ولايهمك

ماشاء الله على الرز الحق يسهف
ماعنديش دخل نبى عزومة عليه jhbj

تعالي مرحبتين بيك شرفتيني ومانحكيلكش توا الجو امتاعه ثلج ورز بالخلطه بس الصورة اللي عندي هذي بس اخسارة ندير فيه باللحم ومش مصورة المصير والمصارين غير شرفيني ونديرلك احسن منه

صحيتى وبارك الله فيك عارفاتك مش هتقصرى
qwre

ابعتيلى لااااااااااازم على اقرب بريد هههههههههههههه
الحمد الله جنبى بنغازيات يديرولى الرز بلخلطة على مندير فيه عمره مايجى زيكم
بارك الله فيك يادرناوية
الارز بالخلطة من مطبخي بالصور 953932

يسلامو ايديك توا كيف كانت نتعشاء فيه كان هده راهو قالتلك جيت فى خاطرى sda;

صحتين ياموده والحمدلله ان مش خاطرك فيه والا شلت ذنوبك انتي اخري

سلم ايديك يهبل

عطينى الرز ومسامحتك فى الدجاجه خخخخخخخخخخخخخخ

خوذيه كله صحتين هههههههههولايهمك

*أم الشيماء* كتب:: ابعتيلى لااااااااااازم على اقرب بريد هههههههههههههه
الحمد الله جنبى بنغازيات يديرولى الرز بلخلطة على مندير فيه عمره مايجى زيكم
بارك الله فيك يادرناوية

سعود مش تعرية زنود ان الشراقة و لا عزموني و لا بعثولي حتى بالقليل من الرز بالخلطة ....
ماني مانيش ليبية زيك!!!!!!!!!!!

لالالالالالا ياام النبراس انا واللهي ماعندي فرق بين ليبي او عربي او حتي اعجمي الكل سواء انا حتي السويديين ذايقين اكلي وخسارة ياريتك احدايا كنت شبعتك من الاكل كله مش بس الرز وعموما حتي انتم التوانسه وكالكم يهبل راك تنسيني بالسلاطه المشويه يمممممم

بسم الله ماشاء الله
هذا رز بالخلطه حق......تعرفي اني وراجلي نموتوا في حاجه اسمها رز قريب نولوا زي الصنيين حتى ندير هوله كل يوم ما عنداش مشكله
وفعلا يسلمو يديك

الله يسلمك وسبحان الله الاكله هذي اصلا من ليبيا وايتقنها الا الليبي وبالذات الشرق ايموتوا فيها مافي عزومه الا وفيها الارز بالخلطه انا بالنسبه ليا ندير فيها ديمه

» طريقة الكبة بالصور من مطبخي
» فطائر ...بيتزا..لحم بعجين..سبانخ من مطبخي بالصور
» تشكيلة من السلطات للضيوفك عزيزتي من مطبخي
» الارز الايطالي بالمأكولات البحرية
» المقروض من مطبخي