*****كيف تعرف انك ليبي او ان جارك ليبي****

*****كيف تعرف انك ليبي او ان جارك ليبي****
.
..
.
..
.
..
.
لو في مرة سمعت واحد يقول شن الجو...صقع عليك...فهذا بالتاكيد الشخص ليبي

لو في مرة لقيت شاب شاذ مكياطة في يد وفي اليد التانية سبسي...فهذا بالتاكيد الشخص ليبي

لو واحد اعطاك موعد وجاك بعد ساعة او ساعتين ...فهذا بالتاكيد الشخص ليبي

لو قالك خمسة دقايق وقعد ساعتين...فهذا الشخص ليبي

لو قالك شبوب والنبي ولعة...والنبي سبسي...فهذا بالتاكيد الشخص ليبي


لو لقيت في ايده باكو مكتوب عليه رياضي...فهذا بالتاكيد الشخص ليبي

لو قالك شبوب ممكن العكشة...والا تعكشلي...فهذا بالتاكيد الشخص ليبي

ولو كنت علي شط البحر ولقيت واحد رادم دلاعة علي الشط ولا صندوق مشروب...فهذا بالتاكيد الشخص ليبي

لو بدي يبي ينكت...يقولك مرة في واحد.{ترهوني زنتاني}..مع احترامي.. فهذا بالتاكيد الشخص ليبي

لو لقيت واحد يقول للبيجو 404 موديل75 عكارية او قلع...فهذا بالتاكيد الشخص ليبي
لو بدي يهدرز علي العائلة الكريمة وقالك الشيباني علي بوه...والعزيزعلي امه...فهذا بالتاكيد الشخص ليبي

لو طقطق عليك واحد من الجيران وقالك تسلم عليك امي وقالتلك نبي حكة طماطم...ولا حكة زيت...ولاشوية ملح...فاعلم ان جيرانك ليبين

لو سالت واحد وقلتله شن اكثر اكلة تحبها وقالك بازين...ولا مكرونة امبكبكة...فهذا بالتاكيد الشخص ليبي
وطبعا انت ياللي اتشوف في الكلام اللي فات كل ماتقرأ سطر اتهز راسك ههههههههه



واخيرا وليس آخرا افتخر باني ليبية والحمدلله اني جيت ليبية



وصدق اللي قال كان ماجيتش ليبي راهو فاتك الجو كله
انشاء الله يعجبكم

هههههههههههههههههههههههههه شكرا يا اكرام

ليبيه والفخر ليا

الموضوع تقريبا معاد مع بعض الاضافات البسيطه

اكرام شنو يدير الليبيى فى قسم الحلويات

ههههههههههههههههههههههههه والله رديت على الموضوع وما انتبهتش على القسم

لو القيت واحدة خاشة للمنتدى وتكتب في موضوع مش في مكانه ثيقي وتاكدي انها ليبية ههههههه وعموما انا زيك ياكرام قداش مرة نغلط ههههههه بجوها غر يناري ام الشيماء متعبتها ان شاء الله تسامحني

لو جيرانك دارو فضانية لبنتهم ولا ولدهم وماعزموش جيرانهم اللي بجنبهم اعرفي انهم ليبين روسهم مصكرة

امونه كنك من هذا يلي ماعزمكش

ليبية وافتخر هههههههههههههههههههههههههه