الاستعداد لنقل سيف الاسلام القذافي خارج ليبيا لاجراء عملية جراحية عاجلة

مش عارفة شنو يقوللهم دماغاتهم يعالجو فيه يهدرزو معاه والله الزنتان حرقولى دمى حاشا الصالحين فيهم

قريب يديروله شاهى بالعالة ماهو يقعد فى الحبس لعيند مايخرت ولا يموت يلقوه هيكل عضمى

وكان مش كذب مطلعين اشاعة قالو هرب سيف والله اعلم

حيه كان هرب ولا هربوه غبارة كان هذا

يا ريت ارتحنا منه زى بوه انى كل مانسمع بيديروله حاجة نقول باهى اللى معمر مات كنهدا حتى هوه هكى بيعاملوه

ياريت يستعجلو في محكمته

وربي يستر منهم ومن اللى يبوهم

وين بيطلعوه قلتي باهي والله

شني شبابنا لي انبثروا وصارت فيهم حاله من كان السبب مش هو وبوه وخوته

وبعدين فكروا شويه في امهات الشهداء والشباب لي انبثروا شني شعورهم لمه تقولولهم بيطلعوا سيف بيعالجوه بره تخيلي موقفهم

وبعدين سيف من يكون بيش يتعالج بره شني هالشخصيه المهمه لي خايفين عليها تي طق ادراه برصاصه وريحونا وريحوا اهالي الشهداء

تبوا الحق اني تمنيته مات من اول يوم لانه وجوده حي مش مريحني والزنتان بصراحه زادوها شويه

رواسي كتب:

[quote="*

لاحول ولاقوة الا بالله
اعذروني بالكلمة هادي صدق اللي قال عقل المراء صغير
هوا اول شيء اشاعة يتناقلو فيها الطحالب واهي نجحت والدليل ردودكم
ويا امان قولي كلام اكيد مش " قالو "
[/size]

خيرك مدايره راسك من راسي أني قلت قالو امالا حلمتي بيا البارح ولا جاك الشيشباني في نومك

الموضوع نقلته نقل ماقلتش قالو

آمــان كتب:

وكان مش كذب مطلعين اشاعة قالو هرب سيف والله اعلم

حيه كان هرب ولا هربوه غبارة كان هذا

هذي من قالها

وسعوا بالكم ......ام ماب دعوتك دعوه مظلوم وربي قال في كتابه وعزتي لانصرنك ولو بعد حين


اهالي شهداء بوسليم وشهداء رمضان وشهداء السفاره وشهداء الايدز وضحايا الاغتصاب وضحايا الاهمال

في جماهيريتهم اللله لاتربحهم لاتربح من كان معاهم

دعوات ضحايا اللانظام المقبور هي اللي استجابلها الله هي ولو بعد حين لكن الحمدلله اللي ينصر عبادته

الدعوة لما اتكون من شخص زيي وزيك يافراشه وزي ام ماب لاتجوز ويفضل الاحتساب الي الله


اما الدعاء علي ملك جائر هلك الحرث والنسل واجب شرعا والتقاعس عليه والاستهتار بارواح الشهداء

حرام حرام حرام ....وراهو انحب نبلغكم اغلب اللي عندهم شهداء مش مسامحين واولهم انا


توا ليبيا كلها عندها شهداء قبل كان بس صاب غضبه ع المناطق الشرقيه ويعلم الله كم عانين من ظلمه

وجوره وقهره سنين طويله من الفقر والعازة والايدز والمستشفيات اللي اغلبها ملوثه


اما بالنسبه للزنتان فهما اهلنا ونحنا ليبيا كلها انحبوها من شرقها لغربها لجنوبها ......بس فعلا خروج سيف

امام كاميرات التلفزيون اثار اهالي الشهداء وراهو لو شافوها طلع مره اخري يمكن اتقوم حرب نحنا في الغني

عنها انتمنوا خوتنا في الجبل ينتبهوا لهالنطقه ويقدروا مشاعر الاولوف ...وربي يهدي من خلق

لا لا مش ساخفه بس هكي دينا الاسلامي وصى اكيد كلكم شفتو شن داره لبوه وخوه وشفتو ان العالم كله جي ضد الثوار وفعلا هما داره نفس يلي داره معمر والثوره في هذيكا الفتره فقدت اكثر من30%من سمعتها لكن يلي داروه الزنتان بجد بجد بيضو وجوهنا واثبتو للعالم انهم مش زي ماوصفونا...انتو بالك تحسابوهم خايفين منه لا بلعكس هما يطبقو في يلي وصى عليه رسولنا وخذو عبره من قصة بوه ثاني شي هذا سيف زي الصندوق الاسود متع الطياره عنده كل المعلومات و حياته تهمنا هلبه باش مانضلموش حد لأن انتو لاحظتو ان بدو هلبه شخصيات بدوو عليهم مشتبه فيهم انهم يتعاملو مع النظام السابق بالأخص بعد قصة بلحاج لذلك مانخلطوش المواضيع ف بعضها حتى اذا ماخذاش محاكمه عادله في رب كبير بياخذ حق كل مضلوم ويبرد قلب امات شهدانا...

رواسي كتب:

آمــان كتب:

وكان مش كذب مطلعين اشاعة قالو هرب سيف والله اعلم

حيه كان هرب ولا هربوه غبارة كان هذا

هذي من قالها

نحسابك على الموضوع !!!!!!!

ايه قالو وسمعتها من كم واحد قالو هرب سيف واشبح شني مصيره توا

وانتي يافالحة كان عندك الدليل القاطع على أنه ماهربش جيبنا الدليل ويكون موقع من رئيس الوزراء مش توقيعت جاركم

ايواه أختي مرام والله كلامك معقول وانهنيك على اسلوبك وحسن تعبيرك بش اتوصلي راييك للطرف الاخر
واتخليه يتقبلها برحابت صدر
وكلامك عن الشهداء واهلهم مية بالمية وهما اكيد حاقدين عليه
بس القذافي المقبور هو وكتائبه ماهمش قدوة لينا في التعامل مع الاسرى وصدقيني حتى ولو معمر مسكوه الزنتان حيعاملوه بنفس معاملة ولده
والزنتان دايررين بين اعيونهم ربي سبحانه وتعالى ورسوله عليه افضل الصلاة والسلام
وقصة انه يهرب هذي متفكروش فيها حتى التفكير لانه الصندوق الاسود وصلعته وماتحويها اتهم كل الليبيين
مرة ثانية جعلتيني أقف عند ردك وقفة احترام واجلال لشخصك وتفكريك واسلوبك الحضاري ودمتي أخت

أختي فراشة
والله انتي على صغر سنك بس تفكيرك وعقليتك كبير هلللللللبة
انعاود وانقول فيه ربي حط انزل القران ورسول نقتدي بسنته فلا نجعل ثأراتنا تعمي عقولنا على مانقول ونفعل
واسعدتني تواجدك فالمنتدى وفي قلبي دمتي بود

رواسي كتب:

ايواه أختي مرام والله كلامك معقول وانهنيك على اسلوبك وحسن تعبيرك بش اتوصلي راييك للطرف الاخر
واتخليه يتقبلها برحابت صدر

هههههههههههه المعني عليك ياجارتنا

أختي أمان
من المعطيات المتوفرة نقدرو نستنتجوا الحقيقة
أولا ان سيف قاعد في الزنتان وبدليل انهم متحفضين عليه في مكان مايعرفه حد الا اعضاء السرية اللي شداته خوفا على حياته من المنتقمين او الناس اللي عندهم معاه تعاملات باش ميفضحهمش
وهما طلعوه اول مرة على الاعلام باش "اتصدقو" انه ممسوك وفي الزنتان
وكان مات او صارله شيء هذا امانه ملك لليبيين فايد الزنتان
ثانيا كانه طلع او هرب الدول الاوربية حتعلن وصوله وهوا يهرب من الغولة ايطيح في سلال القلوب ماهو الخارج يستنو فيه واي دوله حتحميه اكيد حتتحاسب معاه لانه مجرم دولي
وارضاء الناس غاية لاتدرك كان طلع قالو نرفز الناس وغير لاش ايطلعو فيه وكان خبوه ايقولو علاش اختفى اكيد هرب
وغني ياليل مطولك

عارفين موقف الزنتان وكيف عاملو سيف بكل احترام وهذا دليل على أنهم ناس تخاف الله وتعرف كيف تتعامل مع الاسير

بارك الله فيهم وكثر من أمثالهم



تعرفي احسن حاجة الموضوع وصل ثلاث صفحات هههههههههه ماشاء الله قريب 17 مشاركة

أختي فراشة
والله انتي على صغر سنك بس تفكيرك وعقليتك كبير هلللللللبة
انعاود وانقول فيه ربي حط انزل القران ورسول نقتدي بسنته فلا نجعل ثأراتنا تعمي عقولنا على مانقول ونفعل
واسعدتني تواجدك فالمنتدى وفي قلبي دمتي بود[/quote]***الشكر ليك اختي الغاليه

انت ايضا شكرا ع اسلوبك يارواسي .....وكلمه الحق واجب

موضوع عادي والنقاش فيه برضوا عادي مافيش داعي نزعلوا من بعضنا لاختلاف افكارنا