والله عييييييينا واحنى نادووووووو كبدنا طابت

كيف حالكم يارقدات
عارفه الموضوع مايبي حد يرد عليه
اللي مارحم ربي

بالله عليكم علاش خاشين ومشتركين فيه المنتدى
مدامكم مش فاضيات اللي تقول مشغولة
واللى تقول جهازي فاسد واللي تقول محصلتش فضوه نخش
واللي تقول الاشتراك تم وتقعد بالاسبوع باش تعبيئه
حتى المديرة معااش تخش زي قبل

الحق الحق غير الواحد دار كبد عليه المنتدى كان هذا حتى أني خلي ندرق وجهي
قاعدة بروحي نتصنت في عظامي
وام الشيماء المواضيع اللي مكدسيتيهم فوق وتبيهم يشاركو فيهم
تي هما وينهم العضوات وحتى المشرفات
ماهناك حد

ياريت تهتمي بيه المنتدى وتحطي اوسمه وتشجيعهم البنات

ونزلي مسابقات وجوائز رمزية للعضوات باش ينشط المنتدى الراقد

وتشددي على المشرفات بالالتزام
لأنه المنتدى أمانة في رقبتك ورقبة كل مشتركة فيه

عاد نوضو ياسركم تنبله
..

أني معترضة على اختيارك ياام الشيماء مع احترامي للمواضيع المذكورة
فيه مواضيع مميزة جدا وتحل مشاكلنا في القسم العام والقسم الادبي وقسم افتح قلبك
المواضيع المميزة في كل الاقسام مش غير القسم الديني مع احترامي للقسم

11

كلامك كله صح وعلى العين والراس
وانا بنتكلم على العضوات اللى كانو ناشطات وشنو سبب الخمول اللى جاهم
هو المواضيع الترفيهية
يعنى لما وحدة تتعب فى موضوع وتتعب فى كتابته وفرحانه بيه
وبعد هكى مافى حد يعبره الا عضوتين ثلاثة
وانا المواضيع اللى خترتها مش كلها مازال بنصفى فى مواضيع هلبا تحتاج للمشاركة فى قسم المواضيع الغير منقولة ومازال ماكملتش
شوفى موضوع
الترفيه يوصل موضوعه الى 100 صفحة يعنى 700 رد
والمواضيع اللى خترتها
كان كثرت 4 صفحات من 3 عضوات
وفى مواضيع تانية للمناقشة انا مخترتهاش
لانه ماشاء الله تقريبا كل العضوات كتبو رايهم فى الموضوع يعنى ماعندهم مايكتبو ثانى

وان شاء الله عندى مسابقة مفكرة فيها فى قسم السياحة ان شاء الله انكملها ونزلها
وعلاش انتم متفكروش فى مسابقات وتنزلو
وكان على الفضوى انا نخش ديما لكن مرات مش بااسم من غير اسم وعلى طول لو فى موضوع نقراه ونرد عليه
وعلى قولة راجية والله مرات مافى وقت
وعندك الحق فى اللى قلتبه انا الاسبوع اللى فات رسلت المنتدى قريب لمية عضوة على الفايس بوك وعلى المنتديات وننشر فى المنتدى واكيد تشوفى فى الاعضاء يسجلو لكن ميستمروش
وان شاء الله بخصوص الاوسمة
انا اندير فيها توا
لكن لازم انصغر فى الحجم

بالنسبة للمواضيع الدينية مش أي موضوع ديني نقدر نزله مرات فيه تلاعب بالآيات أو تحريف او فتاوي ملفقة
هذه اشياء مهمه ومش أي شخص يقدر يفتي في أمور الدين إللى لمن لها درايه مستوفيه في قواعد ديننا الحنيف وتعاليمه الاسلامية

وربي يهدي بناتنا ويدخلو ويشاركو في المنتدى
لأني نشوف في مجموعة تدخل وماتشاركش نهائي في المنتدى

موفقة أم الشيماء ربي يعاونك

كلامك فيه صح لكن امان انتى بروحك ماترديش على المواضيع وتبي الاعضاء ايرد عليك وفي اللى اتحط موضوع وتطلع ماتشاركش في المواضيع بالردود والنقاش والامور الدينية احنى مانزلوش في فتاوي باش اتخافي احنى نتكلمو في مواضيع موثقه بايات واحاديث من مصادر موثوقه جدا جدا جدا


وانى عارفه انه من محبتك للمنتدى كتبتي الموضوع فبارك الله فيك وان شاء الله بقية العضوات ينشطوا ويتحركوا

علاش ياسناء مانردش على المواضيع مع أني مدايرة قدر جهدي
وبعدين موضوعي مش نبييكم تردو على مواضيعي أنتي مافهمتيش قصدي من الموضوع ياسناء
قصدي أني نبي العضوات يخشو ويشاركو في المنتدى
والمواضيع الدينية أنتي ممكن تنزلي موضوع موثوق منه لكن فيه اللي تحط موضوع من غير ماتراجعه

وياريت تقري موضوعي الاول زين ياسناء
خلاصة موضوعي نبي البنات يشاركو في طرح مواضيع
مش نبيهم ايردو على مشاركاتي

واني مدايره قدر جهدي في المشاركات والردود

والله عندك الحق يا امان لاكن الله غالب اول حاجة وقبل كل شي في حاجات في المنتدي اني مانفهمش فيها لاني قلتلكم كنت نلعب بالكارطة بس تاني شي والله مانفطا خميس وجمعة ننزل لحوش عزوزتي ومانقدرش نزله معاي الكمبيوتر لظروف وتالت شي اني شتركت في المنتدي هدا بش نستفيد والحمد لله ستفدت منكم حاجات كنت مانعرفهاش بارك الله فيكم وبارك الله فيك وشكرا

ربي يعاونك ياام الطيور
اهو انتي جديدة وماشاء الله عليك ناشطة وكل يوم تخشي وتشاركي
فيه منهم بالاسبوع مايخشوش وحتى يخشو يتفرجو وخلاص
مايشاركوش في طرح مواضيع ولا الردود عليها

منورة ام الطيور ربي يعاونك ومعذورة أقل شيء كل يوم نشوف في أسمك ومتواجدة وتردي على المواضيع

آمــان كتب:

علاش ياسناء مانردش على المواضيع مع أني مدايرة قدر جهدي

عارفاتك والله لكن عادة تحطي في مواضيع وتردي على مواضيعك وتطلعي ماتشاركيش في المواضيع التانيه هلبا


وبعدين موضوعي مش نبييكم تردو على مواضيعي أنتي مافهمتيش قصدي من الموضوع ياسناء
قصدي أني نبي العضوات يخشو ويشاركو في المنتدى

فهمتك وان شاء الله ربي يهديهم انى مرات لما انشوف اللى قري الموضوع هلبا واللى رادو شوي نفرح المهم عندي انهم قروا واستفادوا ان شاء الله حتى ولو كلمه علقت في راسهم حتى انتى باش ترتاحي لازم اتفكري هكي امان


والمواضيع الدينية أنتي ممكن تنزلي موضوع موثوق منه لكن فيه اللي تحط موضوع من غير ماتراجعه

وانى كمشرفه يا امان لازم انشوف الموضوع ونتاكد منه ليش انى مشرفه


وياريت تقري موضوعي الاول زين ياسناء
خلاصة موضوعي نبي البنات يشاركو في طرح مواضيع
مش نبيهم ايردو على مشاركاتي

واني مدايره قدر جهدي في المشاركات والردود

الله ايبارك فيك عارفه والله ماشاء الله عليك انتى اصلا النشاط المنتدى لو مش موجوده المنتدى ايكسد هلباااااااااااا مع احترامي لبقية الاخوات لكن وجودك مهم الحق ومواضيعك كلها مميزة الله يحفظك أحبك في الله

سناء اكيد بنرد على مواضيعي باش يحسو العضوات أني مهتمه بيهم
كيف نحط موضوع ونطلع من غير من نرد على شاركو فيه ماتجييش
ومنورة هلبه صحيتي على كلامك الطيب

وام خالد خيرك تخممي أن شاء الله خير

بالله عليكم نفدو وصية امان لان الموضوع هذا يعتبر وصية منها من كثرة خوفها وحرصها عالمنتذي بالله عليكم بعد مانتجازوزا هالمحنة الصعبة كان ربي احيانا ان نهتمو اكثر من هكي علي الحضور والمشاركة وبالله عليكم بالله عليكم ديمة كل ماتشاركو في موضوع لازم ادقققو فيه هل هو يعجب امان ولالا امان روحها معانا ربي يرحمها



اني منعرفش انعبر علي في قلبي اتمني فهمتو قصدي احبكم في الله

يا هدى أنى ما قدرتش ننسى آمان بكل والله حتى انفيق من نومى ندعيلها والدمعة فى عينى وكيف تقولى ما تعرفيش تعبرى وانت كلامك وصل قلبى طول لأنه من القلب وبإدن الله وين ما نلقى فضوة حانخش اصلا انى المدة اللى فاتت كلها وانى انفكر فى المنتدى ولكن سبحان الله ربى مش مسخرلى الحال والحمد لله والله لين انقول توة اتجى العطلة ونكون بإدن الله عندى لاب توب خاص ووقت وديما نفتح كانت الله يرحمها تقولى انى نفتح على المنتدى ونمشى انحوس على روحى ونقضى فى حوشى الله يرحمها ويغفر لها وسبحان الله هى ربى ما رزقهاش صغار باش يدعولها لكن سبحانه حط فى قلوبنا محبتها والمفروض ما ننسوهاش ابدا من الدعاء وهدا حال الدنيا وربى يحسن خاتمتنا جميعا اللهم آمين

وبارك الله فيك ياهدى وفى كل عضوات المنتدى

فيكي بارك الله كلكم احبكم في الله

الله يقدرنا على دلك والله محنة كبيرة وربى يعوض خير ويعين ام الشيماء هى الاساس الله يفك محنتها ويهون عليها

امان لله يقدرنا رد الاحسان بالاحسان لهدا المنتدى هو جمعنا ومستحيل يشدنا عليه الا الموت هى الموت هكى تجى فجاءة وبعتاللى بالايمان واليقين ان الموت حق ترجع الامور الى مجاريها

الله يرحمك ويغفر لك واجعل قبرك روضة من رياض الجنة

ام الشيماء في عيوني وقلبي

ان شاء الله نكونو عند حسن ظن حميدة وام الشيماء زكل العضوات حتي اني غير القراية والفضوة لكن باادن الله لازم نطلو علي بعض لان حميدة كانت ديما تسال لدلك ديما اسالو علي بعض وكاان حميدة موجودة بينا وربي يجمعنا ببعض في الجنة زي ماجمعنا في هدا المنتدي المبارك

حلم موفقة في قرايتك بئذن الله احبكي في الله

الله يرحمك ياامان حتى توفت والله العظيم قريت تعليقها ضكتني سبحان الله حتى توفت قاعدة ترسم في الضحكة على فمي الله يرحمك ياامان انحس في روحي لما بنموت بنسئل عليها طول ربي يجمعنا مع الحبيب المصطفى امييييين عليه الصلاة والسلام

سبحان الله حتي اني في تعليقاتها والله نفرح ونضحك ربي ايفرحها في الجنة الله يرحمها



ام لين صحيتي بارك الله فيكي ربي يحفضك

ام الشيماء وينك حميدة تو تزعل منك لان هي احرص وحدة فينا علي الحضور



كوني في روحك وربي يعطيك الصبر





احبك في الله ام الشيماء

عطاها ربي سبحان الله حبيناها من غير مانشبحوها الله يرحمك ياامان سبحان الله والله انحس وكانها معانا هذا احنا ودارت فينا هكي امالا راجلها مسكين شن صاير فيه مراءة جوها حلوا وتنسيك في همك ربي ايفرحك ياامان زي ماكنتي اتفرحي فيا والله مرات انضللا متنكدة وين انخش وانعلق وهي تبدى تراقب وتصطاد طول تبعت تعليق وقسما بالله نقعد نضحك مااحلاها قداش حبيت عفويتها والله