جريمة تهز الشارع الليبي !!

موضوع: جريمة تهز الشارع الليبي !! 2011-01-08, 23:15

جريمة تهز الشارع الليبي : بسبب إفراطه بمشاهدة أفلام الرعب..شاب ليبي مراهق يقتل امرأة واثنين من أطفالها

الوطن الليبية - مدونة

الكـــوز - مصراتة

قام شاب مراهق بمنطقة ( الجزيرة ) بمدينة مصراته - شرق العاصمة الليبية
طرابلس- بقتل امرأة وطفليها داخل شقتهم ، كان هذا الشاب يترصد لقتل هذه
المرأة وأطفالها لأكثر من أربع أسابيع - بحسب اعترافاته للسلطات المختصة
لاحقا - .. وبعد مشاهدته لخروج المجني عليها - والتي كان ينتظرها والدها
أمام العمارة التي تسكن بها لينقلها إلي عملها - قام بخنقها وطعنها عدة
طعنات وفقدت علي أثرها الوعي ،ونتيجة للطعنات المتتالية تلف السكين الذي
يستخدمه الجاني في جريمته ، ودخل الجاني الشقة وأمسك بطفلين أحدهما في
السنة الثانية من عمره وطفلة ذات عام واحد ، وألقاهما علي الأرض وقام
بذبحهما بأحد السكاكين التي جلبها من غرفة المطبخ ... فيما قام والد المجني
عليها بالاتصال بها مرارا وتكرارا ، لكن لم يجد أي رد فعاد إلي الشقة وقام
بخلع الباب ليخرج الجاني من احدي الغرف وقام الجاني بمهاجمة والد المجني
عليها ونتيجة لكبر سنه لم يتمكن من إلقاء القبض عليه وتمكن الجاني من
الفرار أن أصاب والد المجني عليها بجراحه بيديه ، وتمكنت الشرطة من الوصول
إلي مكان الحادثة وقد أخبرت المجني عليها عن شخصية الجاني قبل أن تفارق
الحياة إذ كان أحد أبناء جيرانها وهو شاب في التاسعة عشر من عمره ويدرس
بالصف الثالث من ثانوية علوم الحياة وبحسب التحقيقات التي أجرته معه
السلطات المختصة فانه بكامل قواه العقلية والنفسية كما أورد الجاني في
اعترافاته بأنه مدمن علي مشاهدة الأفلام الرعب ومتابعة القنوات المتخصصة في
عرض الأفلام التي تعرض لجرائم القتل والعنف .

هذه
الواقعة الأليمة تستوجب منا ضرورة تفعيل دور الإعلام المرئي والمقروء
لمجابهة جنوح بعض المراهقين بسبب متابعتهم لقنوات أفلام الرعب والعنف وذلك
بتفعيل دور ( الأسرة المربية ) عن طريق المؤسسات الاجتماعية والإعلام
المرشد والهادف لكي نحصن أبنائنا من خطر هذه الآفة الإعلامية الخطيرة .

منقول من صحيفة الوطن الليبية

لاحول ولا قوة الا بالله

انى سمعت بيه الخبر هدا والله لين متت من الرعب

الدنيا ولت معاش فيها امان وربي يعيينا على تربية اولادنا

مشكورة امان وردى بالك على روحك من جيرانك معاش فيه تقة في حد

صدقتي أم ايوب والله ماعاد فيه ثقة في واحد
أني حتى زوجي يسافر مانقول لحد
الحذر واجب
حتى أنتي ردي بالك من جيرانكم ياام ايوب وربي يحفظنا من كل سؤ

لا حول ولا قوة الا بالله
مششششششششششششششششكورة

سبحان الله ولا حول ولا قوة الا بالله
ربي يهدي من خلق

لاحول ولاقوة الا بالله والله بدت الدنيا اتخوف والخطف حتى هوا كاتر الاسبوع اللى فات طالعه الصبح للعمل وانى ديما نطلع السبعه ونص انى كيف طلعت السياره من الكراج كانت خاطمه سياره تاكسي فيها تلاته ولما طلعت وقفت بعد ماطلعت السياره عاودت خششتها وخفت ونوضت خوي مزل معاي وطلعت

ان شاء الله ربي يسترنا

يالطيف ربي يهديهم جريمة تهز الشارع الليبي !! 398232

لا حول ولا قوة الا بالله جريمة ترعش وعلى الدنيا السلام معاش فيه أمان ربى يحفظنا ان شاء الله من كل سوء

حتي اني سمعت بيها القصه قبل مايعرضوها لان العماره التي اقيمت فيها الجريمه
كان يسكن فيها خالي ونعرفو فيها ناس هلبا
ولما حكولنا بزبط القصه
قالو ان المرأه هيا اخصائيه اجتماعيه في المدرسه
الي يقرأ فيها هذا الولد وهيا امدايرتله موقف في المدرسه
شوي حطها في راسه وراقبها 4اسابيع
ومانيش عافه علاش ماقالوش القصه بالزبط
المهم ربي يهديهم
ومشكوره حبيبتي علي المشاركه الحلوه

ربي يلطف بينا والله الدنيا تخوف حق
وسناء ردي بالك الدنيا معاش تفرح
وربي يستر علينا

انا مرعوبة من قبل وكل مانسمع خبر نزيد فى الرعب
لاحول ولا قوة الا بالله
انا انقول مش من الافلام والله اعلم انقول الولد مش طبيعى او ملبوس بالجن ربى يحفظنا

فيه من ناس قالو يتعاطى في المخدارات والعياذ بالله

لاحول ولاقوة إلا بالله

ربنا يسترنا فوق الرض وتحت الأرض ويوم العرض

الرقابة من الاباءعلى ما يشاهده الابناء شبه معدومة في مجتمعنا وتلقا الواحد فرحان ان صغاره ما يطلعوا من البيت وقاعدين عالتلفزون ما يحساب انه اللي في التلفزيون زي الشارع وادهى وأمر لا حول ولا قوة الا بالله.

» كوميديا الشارع الليبي
» جريمة النهر الصناعي......
» لغة الشارع في ليبيا !!
» المطبخ الليبي
» كيف تعرف الليبي