ويكليكس...وانا

بسم الله: طبعا كلكن سمعتن عن ويكليكس الموقع الاكثر شهرة في كوكب الارض الايام الماضية ومؤسسه جوليان اسانج مالء الدنيا وشاغل الناس ولا يخفى على حد من متابعي الفضائح التي نشرها هذا الموقع والمتمثلة في وثائق حقيقية واصلية لا شبهة لتزويرها خاصة بالدبلوماسية الامريكية والتي اقامت الدنيا على جوليان ولم تقعدها بعد وامريكا تدرس مقترح لملاحقة جوليان قضائيا لهذا السبب بعدما القت بريطانيا القبض عليه سابقا بموجب مذكرة توقيف سويدية صادرة بشأنه لمزاعم تتعلق بتحرشه جنسيا بأمراتين هناك وان كنت اعتقد ان التهمة ملفقة جملة وتفصيلا بس كل هذا لا علاقة لي به.
جوليان كان قد صرح بأن الفترة القادمة ستكون الاولوية لنشر وثائق متعلقة بالسياسة الاقتصادية الامريكية خاصة تلك الوثائق بالغة السرية التي تكشف غموض (بالازمة المالية العالمية ) (ازمة الرهن العقاري في السوق الامريكية) و (وول ستريت) و(مادوف) و(بنك اوف اميركن) وهنا بتظهر علاقتي ب ويكليكس!!!
المحللين الماليين قالوا ان هذا قد يسبب ازمة مالية جديدة ...اسواق المال الرئيسية في العالم ستتأثر سلبا وستهبط مؤشراتها لمستويات خطيرة والدولار بيتراجع زيادة على تراجعه الحالي والذهب بيزيد يغلا فوق ما هو غالي وهنا مربط الفرس كله الا الذهب يا جوليان... انا ندعي من كل قلبي انه يوسع باله وما ينشر هالوثائق الخطيرة اللي بتضر بمصالحي الاقتصادية ووضعي المالي الحساس!!! لين نقبض جمعيتي ونشري ذهيبات على روحي نلقاهن لعازة الزمان!!! عرفتن توا قصة ويكليكس... وانا.

هههههههههههههههههههه يا رب يوسع باله شوية بيش تشرى ذهيباتك ههههههههههههههههههههه

يستر الله وخلاص
هو مازال بيرتفع سعر الذهب اكثر ماهو مرتفع
ربي يفرج على الناس الا بيتزوجو
أما علينا احنى نشرو الذهب الافريقي لأنه راحت علينا
منورة زينة وخوذي جمعيتك بكري باش تلحقي وتشري

ههههههههههههههههه لا لا متخافيش خشيتلك واسطه وقال باهي نستناك شويه لين تاخدي الجمعيه لكن انتي استعجلي شويه باهي ههههههههههههههه

كان بيدي ناخذها اليوم ونطير نشري الذهيبات لكن دوري شهر 2/2011
راني عبيت عليك يا حبوبة خليه يستنى لبعد هالتاريخ وبعدين يدير اللي يبيه.كان هذا راهو بنمشي مع امان للسوق ناخذوا ذهب نيجيري ولا بلاش!

تي غير اصبري ما تستعجليش على الدهب الافريقي كلمته وقالي باهي بيستناك لكن بعد شهر 2 معش خصه فيك انتي فيسع اول ما تاخدي الجمعيه لسوق الدهب طوووووووووووووول

لكن اسمعي اني خشيتلك واسطه بشرط انه لي تشريه قصدي على الدهيبات تصوريهولنا وتنزليهم باهي يا عسوله

خلاص يا حبوبة اول ما نقبضها بإذن الله طيران على السوق بس التصوير ناوية نأجله كان صار نصيب وتزوجت بنصور جهازي كامل انا ما نعرف بس على شانكن ومن كثر الفرحة وقتها بنجيب حد خبير يزبط موضوعي على احسن وجه وننزله في قسم العروس هكي مقررة من بدري باش اللي ما يقدر يجي سماه تفرج ...ام خالد مشكورة ديمة منورة بردودك.