سؤال محرج لكن ضرورى جدااااا

موضوع: سؤال محرج لكن ضرورى جدااااا 2010-07-30, 09:54

السلام عليكم ورحمة الله وبركاته

كيف حالكم اخواتي الشيموات

الحق عندي سؤال محرج بنساله لكن ضرورى نساله وان شاء الله تفيدوني وجزاكم الله كل خير

انى باذن الله منمشي عمرة في رمضان لكن في مشكلة الدورة الشهرية بتجيني في اواخر رمضان وانى قريب نهبل على انى نحضر العشر اوخر من رمضان في الحرم المكي
المهم قريت لابن العثيمين وابن باز انه لاحرج في اخذ حبوب منع الحيض وقريته في النت فامانعرفش هل هو نقل صجيج او لا بدي ايخوف النت الحق لانه مش الموقع الخاص بيهم كان موقع تاني

وفي نفس الوقت نبي نسال على مضاعفة اخذ الحبوب لانه سمعت انه مضره فهل حق هي مضره؟

ياريت نلقى اجابه لاسئلتي عندكم لانه بجديات نبي نعرف

وجزاكم الله كل خير

بالانتظار

تبي نصيحتي ياسونة هذي نعمة اعطاها لنا الله سبحان وتعالي ولو مالهاش فائدة ماكانش خلاها لنا تسمعي رايي وعن

تجربة صارت مع اختي ماعمرها شكت من حاجة ولا عندها التهابات ولا اي شي

ولما قرب فرحها وجت يوم الزفاف العقبالك وعقبه للبنات خذت حبوب عشان ماتنزلش وكانت النتيجة ضياع سنتين

من عدم الحمل مع مضاعفات قرحه في الرحم واكياس

شوفي قد يكون مش هو السبب بس هيسببت لنفسها هالحاجة قد يصادف وتسير معاك لاسامح الله حاجة مش كويسة

وثاني شي لو مانزلت صدقيني مش حتكوني مرتاحة وانتي تعرفي انها مجرد تنزل اتخلصي من جبل من التوتر والعصبية

وياسونة الاجر للنافس والحائض واللي ماعليها شي نفس الشي لانه الاسلام بالقلب قبل اللسان والفعل

انا عارفه اني كثرت الدوة بس واللهي نصيحة اخويه وبعدين نبيك ادوري في النت ليش لاتقضي المراءة الصلاة بعد الدورة

وحتلقي اجابات يعجبنك لاني سمعت انه سبحان الله الملائكة تصلي بدالك بس مش متاكدة من دقه الحديث

وراك تنسيني من الدعاء ومن السلام علي رسول الله لما تزوري قبره

ربي ينولك مافي بالك وكل البنات ربي يقوي سعدهن ونفرحوا بيهن

مرام وفت وكفت ذلكن انا نبى انقول حاجة عندى صديقاتى
فى هولندا بعد رمضان تقولى الحمد الله انا معنديش دين طبعا نستغرب
لكن تقولى فى رمضان ناخد فى الحبوب
وانا عن نفسى مستحيل ناخدهم اكيد
لكن فى الحج راح ناخدهم باذن الله
وانت زيدى اسالى دكتورة

ياسنونة
حتي نفسك خايفة بس بما أن بابا دكتور وماما ممرضة لما انقزللها اتقولي باهي وهيا ماتبيش لما جابت السيره لبابا قال اتجيهم امتي ماتجي ومش ح نعطيهم شيء
اول الا سباب انا ماتجينيش منظمة ياسنونة يمكن انتي عاادي
بس كان خديتهم ابعتيلي ههههههههه لا انبصر انا مش حناخدهم حتي المرة الي فاتت امتي مشينا جتني وقعدت ايامات
يعني مسجد حرام تخش وانت مش طاهرة بس مكان السعي حلال عليك تخشي فيه
يعني معروفة هادي
قعدت تلاتة ايامات ههههههههههههههه

وحلال حتي الي كملت الطواف وصلت وشربت زممز بعدها نزلت عليها الدورة انها تسعي وعمرتها مقبولة

وان شاء الله تفهمي مني حاجا ياسنيوة سؤال محرج لكن ضرورى جدااااا 271574

بارك الله فيك مرام وام الشيماء وبيلا وجزاكم الله الف خير وانى قاعده نسال واندور وانتو لو قابلكم قوليلي جزاكم الله الف خير

أوصلك الله سالمة الىبيت الله

سناء عليك بالذهاب الى الصيدليات وتلقى بنات الصيدلنيات ويوضحنا لك

لان فيى حبوب غير حبوب منع الحمل أعطتها الصيدلية لجارتى لما مشت للعمرة

ماشاء الله عطاك ربى ادعيلنا يا سناء

شوفي أختي مره سألت طبيبه نساء وولاده نفس سؤالكـ ونفس وضعكـ قلت لها ماشيه للعمره وووو............. وصفتلي حبوب وقالت لي هذه حبوب اسمها رفع دوره يعني ترفع الدوره ومتخليهش تنزل وهي تختلف عن حبوب منع الحمل لكن جدياااات خفت ومخذيتهنش ~~~ وسألت شيخ قاللي هذه نعمه من الله وما عليكـ اي حرج

وانت ان شاء الله لو مشيتي للعمره ونزلت عليكـ الدوره تقدري تقومي بكل الفرائض وتقدري تسعي بين الصفا والمروه الا طبعا ً الطواف بالكعبه هذا حراااامـ

وربي ان شاء الله يتقبل منكـ

شكرا ياسمراء بس ياسنيوة سألتلك امي قالتلي
هناك حبوب تقدم في موعد الدورة تخليها تنزل قبل موعدها والله اعلم حتي انا مرات اختيناخدوهم ومرات لا . سؤال محرج لكن ضرورى جدااااا 271574

بارك الله فيك ام ماءب وان شاء الله ربي يكتبهالك وتزوريها واكيد ان شاء الله ندعيلكم اوخياتي كلكم

بارك الله فيك اختى سمراء على اهتمامك والرد واني قريت في موقع ابن باز ولقيت فتوى بالموضوع هذا

http://www.binbaz.org.sa/mat/18696

والحمد لله اطمانت دينيا مازال طبيا بس وشن اخطاره

بارك الله فيك بلبل وان شاء الله نسال عليهم الحبوب هاذم

صحة ليك سناء بتمشي للعمرة أن شاء الله ربي يلحقنا
والحبوب أني سمعت شيخ في الراديو قال أنه عادي تاخذيهم

الله يسلمك امان والعقبال ليك ان شاء الله وبارك الله فيك على الرد والمرور

والله مش عارفة أختي الفاضلة .... لكن سمعت بوحدة خدتهم في العمرة لكن بعدين لما جتها في الشهر الي بعده كانت الدورة قوية شوية وتعبته... والله أعلم...

بارك الله فيك اختى المشرقة

» سؤال محرج لكن ضروري
» ضرورى ساعدونى نبى اه ياصبارة
» سؤال
» سؤال مهم جدا
» سؤال