أم محمد
 مساهماتك : 2078
 وصلت إلى نقطة : 12917
تاريخ التسجيل : 23/10/2009
العمل/الترفيه : مهندسة قاعدة فى الحوش نربى فى صغارى ونحب المطالعة
 sms : اللهم صل وسلم وبارك على سيدنا محمد صلى الله عليه وسلم
المزاج : عادى والحمد لله على كل حال
 | موضوع: أضخم موسوعة للنكت الليبية ....هههههههههههه  2010-05-25, 06:42 | |
|
1)واحد سكران امعكس في الشارع في الليل القي سوادني شاد شكاير
كناسة قاله ربي ايصون
2)سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع
3)واحد بخيل زوق نص الدار والنص التانى كتب عليه نفس اللون
4)في شيباني ليبي امشي من سيربح المليــون امش سأله جورج قرداحي قاله
من جاي معاك ,,, الشيباني قاله أمـــي ,, امشي جورج قرداحي قاله عنــجد
أمـــك ,,(يعني بجديات).. قاله الشيباني عنجـــد بـــــوك
5)واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي
6)سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل
7)واحـــد قتله الابلة ارسم فيل امشي ارسملها نقطة قتله وين الفيـــل يا
فرخ ..قاللها ما اتشوفيش فيه جاي من بعيد
8)في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة
9)واحد ماشي في الطريق و عنده بيحــو القي واحد عنده مكسمة امشي قاله
شنو رايك انديرو افاري ,,قاله صاحب المكسمة تي شنو تحسابني خروف انبدل
مكسمة بي بيجــو ,,قاله صاحب البيجــو هادي فيها سر امشي اضرب على
الكوفني اطلع مارد قاله برا جيب شاهي و كاكوية... امشي صاحب المسكمة
افرح ,, بدلو لي بعضهم,, روح صاحب المكسمة بالبيجـو قالوله اهله يا
مهبول اتبدل مكسمة بالبيــجو ,,,قاللهم هادي فيها سر اشرب على الكيفنو
جاه المارد قاله جيبلي 2 ليبو ز 1 مكسمة ,,قاله المارد أسف اختصاصي
شاهي و كاوكية بس
10)مراءة ليبية امشت من سيربح المليون امشي علقت في سؤال طلبت استعانة
بصديقة,,اتصل جورج قرداحي :الوو اخت فاطمة ,,معاك جورج قرداحي من
برنامج من سيربح المليون ,,قتله و النبي سكر من غير اتســهويك
11)فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة
12)واحد قال لي بوه اعطيني خمسة دينار بأنديــر دورة ,,,, قالــه خود
دينارين و و قص قصــان
13)في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة
14)واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه
15)واحد امشي للدكان قاله و النبي صرفلي الدينار اربعة ارباع ,, قاله
ارباع ,, برا تو تلقاهم تحت الكوبري
16)في عزوزة امشيت للعيادة عندها سنها فيها سوسة امشي قالت لي الدكتور و النبي
نحيهم كلهم و خليها بروحها مقحمة زي الكــلبة
17)في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني
18)في واحد مراته حامل امشي قال كاني جاني ولد بأنسميه مبروك,,
امشي مراته جابت ولد ,وجت الممرضة اتفرح فيه قتله الف الف مبـروك
قاللها قمــطي و حطــي في الســـيارة
19) في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزدانه
يعني محفضة,,, امشي للمركز قاللهم راح تيزداني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزداني
فيه الف دينار و راح اعطوني الف دينار
امشي صاحبـــه للمركز قاللهم تيز داني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين
20)في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شادتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك
21)واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية
22)في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولدك خروف غبي ما يعرف شي,., قال لها
كيف ولدى ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار
23)في بو بريص خاطم القي فهد ابدي ايسب فيه .. قال له الفهد تي برا يا
بورص اعقابها حتى انت ,, امشي قاله كانك راجل تعال وراء الشجرة ,,
امشي شده طاق طيق اطلع الفهد من غير عيون,, شافه النمر قاله خيرك ,,
قاله بوبريص دارلي هكي ,, قاله بوبريص تي وينه ,, جي البوبريص للنمر
قاله كانك راجل حتى انت اطلع وراء الشجرة ,, اعلق عليه وراء الشجرة طاق
طيق ,, اطلع النمر حاله ,, شافهم الاسد قاللهم تي خيركم,, قالوله
بوبريص ,, قاللهم بوبريص دار فيكم هكي تي وينه,, جاه البوبريص قاله حتى
انت يا اسد كانك راجل اطلع وراء الشجرة
جاه وراء الشجرة ,, امشي البوبريص ايقول للتمساح الي وراء الشجرة حتى
هدا يا ولد عمي حتى هدا معاهم
24)في فصل كله حمير و اغبياء ,, امشي قالت الابلة من ايقولي جملـــة
اسمية,,,ناض الفلتة فيهم على اساس
قال لها ( البـــكندا يشرب الشاي) قال له شاطر قمعز
امشي قالت من ايقول جملة تانية ناض نفس الطالب
قال لها: البـــكندا يشرب الشاي ) ,, قالت تي مش قلتها توا هادي
قاللها لالا هادي الطاسة الثــانيــة
25)ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,
26)في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه
27)في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية
28)في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع
29)في دكان ايبيع في السلع المحلية بالدرقة ,, المهم مرة جيت ازمة طماطم
في البلاد ,, الدكان ازحم زحمة صح ,, و حاط الطماطم فوق في اخر رف و
السقف عالي ,, اتشحوير ,, المهم جي الاول قاله اعطيني حكة طماطم ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طماطم ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طماطم ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة
30)في واحد ترهوني امشي لي طرابلسي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و رب الكعبة ما يطلع الا غسالة شخاشير
31)في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها
32)واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس
33)قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزدان...
طاح عليهم دولاب امهني
34)في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي
35)في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
المهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان جنبي
ما اقدرتــــش انطلعها النعـــــجة
tah قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله
عوجه وخليه
**********************************************
في واحد مراته حامل امشي قال كاني جاني ولد بأنسميه مبروك امشي مراته
جابت ولد وجت الممرضة اتفرح فيه قتله الف الف مبـروك قاللها قمــطي و حطــي
في الســـيارة
**********************************************
وحده تغني في العرس وإتقول.....اللي ما عنده حوش بروحه ........
لا يجينا لا إيتعب روحه....ناضتلها عزوزه قالتلها..........لا إنجوك ولانخطبوك ........ويا قعادك في رقبة بوك ..
**********************************************
مدرس سأل طلاب: اللي يحس إنه غبي يوقف؟ وقف واحد فقاله المدرس: انت حاس إنك غبي؟ قال:لا بس قلت عيب اخليك واقف بروحك
**********************************************
في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف يا راس و الله اعرفت حمار و انت ما اعرفتكش.... قاله عادي ,, الحميـــــر تعرف بعضها
**********************************************
واحد محشش قاله الدكتور: تخفيف الوزن يحتاج إلى عزيمة ! قاله المحشش: خلاص يا دكتور بكرة عشاك عندي
**********************************************
عزوز في محو الاميه قالولها حطي كانا في جملة قلتلهم كاناتيرا
**********************************************
ترهوني يغني في حفلة الجمهور يصيحوا له "سروالك مشروك" قال لهم باهي ياودي توا نغنيها
**********************************************
☻ تراهنة خنبوا بنك .. قبضوا عليهم في نفس الليلة علاش؟؟ ... كاتبين ذكريات عالخزنة.
**********************************************
☻ ترهوني فتحوا شيل جنب حوشهم... قال ياسلام الواحد يعبي بنزينة علي رجليه
**********************************************
☻ سودانية حلمت بسيارة مليانة فحم مشت سألت مفسر أحلام ... قالها: هذا العريس هو وعيلته
**********************************************
☻كتكوت يعاكس في كتكوته... قالت له ماعندكش أهل يربوك... قال لها لا لا امفقص في حضانة
**********************************************
☻وترهوني فتح ملجأ أيتام سماه ملجأ أطفال الأنابيب
**********************************************
☻ ترهوني لدغاته عقرب قعد يضحك بشماتة... قالته العقرب خيرك تضحك.. قال لها فيا الايدز.
**********************************************
☻ بوبريص يكذب علي صاحبته يقول لها أنا كنت تمساح راهو... غير هلكني الشرب والسهر
**********************************************
☻ تراهنة صاحبهم انحرق سعفوه ورفعوه للمستشفى, الدكتور قال لّهم غريبة الكسور أكثر من الحروق؟ قالوا له ماهو طفيناه بالبالات.
**********************************************
☻ واحد مسطول شاد ثلجة تقطر عليه... قال آه كان نعرف التسريب من وين
**********************************************
☻ ترهوني يهدرز على وحدة وبيدير روحه هابي فاميلي .. قالت له وين تقرأ.. قال لها في كورنثيا
**********************************************
☻ بخيل يطقطق على ولده في الحمام قاله راك تسحب السيفون خاش وراك انى
**********************************************
☻ بخيل قال لصغاره والله العظيم تنجحوا السنة نرفعكم تشوفوا ناس يلحسوا في الجيلاتي
**********************************************
☻ ثلاث نساوين ...ليبية .........مصرية ...........مغربية ...اتفقوا أن يناقشوا رجالتهن بخصوص حقوق المرأة والظلم اللي واقع عليها : المهم تلاقو بعد اسبوع : المصرية قالت حكيت معاه ...اليوم الأول ماشفت شي اليوم الثاني ماشفت شي اليوم الثالث ماشفت شي .اليوم الرابع بدي يساعد فيا وينظف معاي ويغسل في المواعين ...... المغربية قالت حتى انا حكيت معاه ...اليوم الأول ماشفت شي اليوم الثاني ماشفت شي اليوم الثالث بدي يساعد فيا وينظف معاي ويغسل في المواعين ...... : الليبية : قالت حتى انا حكيت معاه ...اليوم الأول ماشفت شيء بكل اليوم الثاني يادوب بديت نشوف بعينى اليمين.
منقول | |
|
