لما فيه زعل بينك وبين زوجك

موضوع: لما فيه زعل بينك وبين زوجك 2010-05-24, 01:21

اخواتى العزيزات : السلام عليكم

اليوم نبى نطرح عليكم موضوع مفتوح للنقاش وهو :

عندما يكون فيه زعل بسب مشكلة او اخرى بينك وبين زوجك : هل تاتى وتعتذرى منه ؟

ام تقولى كرامتى وعزة نفسى ما تسمحش ؟

اوالاهو الى يعتذر ؟ زى مانعرف المناوشات مرة مرة لازمة زى البهار للحياة الزوجية ههههههههههه

هيا خشوا بيش نستفيد من بعض وانى ليا عودة بيش نقول رآى

ولكم احر التحيات

شوفي البهارات لازم منها واذا ماكان في شي يقعد الجو ملل

هههههههههههههههههههههه

شوفي الموضع هنا يختلف مع زوجك لو غلط ممكن اتقولي كرامتي والموضوع ياخذ وقت بس لو مشكله عاديه

اللي يبادر بالمصالحه ياخذ الاجر كله ومضاعف

شوفي هي الحياه مرة هكي ومرة هكي ولازم من اللين عشان تسير المركب والا حتغرق انا عن نفسي لما يكون هو غلطان يجي

يعتذر ولما انكون انا الغلطانه انا نعتذر ومرات بدون اعتذر سبحان الله يكون رد الفعل والتلقائيه هي الحل

وفي الاخير تذكري قول الرسول عليه الصلاه والسلام هو جنتك ونااااارك

ولو امرت المراءه ان تركع لغير الله لامرتها ان تركع لزوجها

او مامعناه لاني بصراحه ناسيه الحديث الشريف حرفيا وموجود في كتاب الكبائر
[ندعوك للتسجيل في المنتدى أو التعريف بنفسك لمعاينة هذا الرابط]

موضوعك رااااااائع وجى فى وقته
انا على نفسى لما نتعارك مع راجلى سناء تصالحنا ههههههههههههههههه

زماااااااااان اول ماتزوجت كنت مجرد مانحرج مستحيل نرضيه هو يرضينى اصلا متفوتش نص ساعة الا ونلقاه مكلمنى بااى شئ

وتوا اختلف وتبو الحق طفح الكيل منى شوره قال انا ديما نرضى معادش يرضي فيا
يخلينى لعند ماانا نكلمه او اى موضوع لكن كاصلح وانقوله سامحنى غلط فيك مازال ماصارتش
لكن نتفكر مرة وحدة بس درتها قلت له انا اسفة وحقك عليا وغلطت فيك
سكت ماعنده مايقول

ولو هو يزعلنى او يغلط فيا ميقولش انا اسفة يكلمنى عادى او بنتى هى حلقة وصل بيننا

ومرات يجونا ضيوف يقعد يكلم فيا ولا على باله وننسا وهكذا هى الحياة مرة ليك ومرة عليك
وان شاء الله ديما دوم المحبة

وجهات نظر رائعة من مرام وام شوشو

انى كنت ما نعتذرش بكل حتى انى الغالطة هو الى يرضينى وديما وانى حاطة الكرامة فى سفرة فوق راسى

وندور بيها تواء لما نغلط بديت نعتذر ونعفس على نفسى لكن زوجى ديما متسامح الحق اكثر منى

ومرات زى ما قالت ام الشيماء ومرام يجى التسامح عفوى وبشكل تلقائى بروحه

وينكم خلونا نسمع ونستفيد
[ندعوك للتسجيل في المنتدى أو التعريف بنفسك لمعاينة هذه الصورة]

مش عارفة خيركم راقدين

موضوعك رائع يأم مآب وانى نبى نقول لكل أخت فى هالمنتدى الرائع وخيتى راهو السعادة فى الحوش انت المسؤلة عليها ولو حطيتى فى بالك ان ابتسامتك فى وجه زوجك وصغارك صدقة وان زوجك هو جنتك ونارك وان اللحظة اللى تفوت من عمرك ما عادش ترجع والله العظيم تلقى حياتك شبه خالية من المشاكل الاسرية وطبعا الانسان ديما معرض للتقلبات ومزاج النساوين بالذات مرات يكون ملاخبط لكن من تجربتى المتواضعة والحمد لله ديما نحاول ما نخليش ثغرة للشيطان يعنى لما يحدث زعل بين المرأة وزوجها لازم تخلى ربى وخوف ربى بين عيونها وتسامح وتغفر وتعفو وتلتمس الاعذار ووالله هى الرابحة فى الدنيا والاخرة واهم شئ الدعاء ربى يسعدكن جميعا دنيا وآخرة اللهم آمين jhbj

منحبش نقول اسراري العائلية بيني وبين زوجي

أما عن نفسي اذا غلطة نقعد زعلانه لاانني غلطانه مرت نبوسه على راسة ونقوله سمحني هذه الحركة كانت منه من الاول لم نزعل يبوسني ويوسيني لعند وحل فيا توا يبي يعصب معاش يقدر دللني ووحل [ندعوك للتسجيل في المنتدى أو التعريف بنفسك لمعاينة هذه الصورة] ولم يكون عندي مشوار ويقول لا ينهاره نقلبله وجي لعند يقول خلاص هيا متسامح لاابعد الحدود وربي يحفظه ليا ويطول ربي في عمره ادعولي ربي يهديه ويصلح حاله شكراً أم مآب على الموضوع والحياه من الاول ان كانت حلوة تبقي وان كانت مرة تظل مشاكل ونكد

شكرا على الوضوع
بس عن نفسي إذا أنا كنت غلطانة بروح وبعتزر منو وبوس راسه
أما إذا كان هوة بأخذ موقف حتى يجي هو ويبوس راسي

موضوعك حلو ورائع يا ام اوبه

شوفي اني لو غلطانه مجرد نهدى طول نتاسف منه وهو سريع التسامح وقلبه ابيض فيسع مايسامح ولو هو غلطان على طول يتاسف يعني مجرد عشره دقايق يتغير جوه ويستسمحني وتمشي الامور ومرات من غير تاسف بيني وبينه ولاشئ هكي تنحل المشكله بروحها يعني يكلمني على اي حاجه وخلاص تفوت وهو الحمد لله سريع التسامح يعني فيسع مايولي عليه خاطره وطبعا هذه البهارات لاازم منها اماله كيف بتستمر الحياه تبدء ملل بعدين

وزي ماقالت ام محمد السعاده في الحوش انتي المسؤله عليها لانك قادره على تغيير جو العيله وزرع الابتسامه على وجوهم

وان شاء الله ربي يهدينا ويباركلنا في ازواجنا ويبعد الشيطان عنا يااااارب

انى لو غالطة نفوت وقت لين نروق وونتاسف وفيه مرات بدون ما يتاسف حد نلقو روحنا موليين نكلمو في بعض وجونا عادى ومرات لما هوه يبداغالط يبدا يبعتلى في الصغار يقوللى قالك بابا تعالى حدانا حلقة وصل ههههههههههههههههههه
وهده المشاكل لازم منها ولازم الوحدة تنزل على كرامتها وتتاسف

» كيف تكسبين أهل زوجك؟!
» كيف تطبخين زوجك؟؟؟؟
» كيف تنادين زوجك ؟!
» زوجك مهما عمل فيك هو سترك
» كيف يحبك زوجك حتى بعد كبر سنك ؟؟؟؟؟؟؟؟؟