كي تكوني جميلة(2)

والله خيبتن املي...

شكلي لنعدي لطبيب نفساني ...

لان اللي باين اني انا الوحيدة اللي موسوسه بموضوع الجمال...

بس والله من اللي انشوف فيه...(صبايا اتقول رجاله)ولا الرجاله اقعدوا انعم منهن خخخخ

المهم لايأس مع الحياة...انا ناوية انكمل فيه وتوه نبدا فالرد عالاسئلة...

وعد الله مدونة خاصة ليا

فعلا موضوع مفيد انشاء الله نستفيدوا من بعض

حبيبتي مرام.....الله ايفرح قلبك والله اسعدني مرورك وتشجيعك

وعارفة انه كل وحدة عندها ضرووووف..وارجو انكن اتسامحني لعدم صبري



ام ماب اسعدني اهتمامك وحضورك

بسم الله الرحمن الرحيم...

حبيباتي سيدات الشيماء...حبيت نبدأ اليوم بنفسي بالرد على الاسئلة

علشان تعرف كل اخت نظام البرنامج اللي راح نمشوا عليه بأذن الله
1-انظرى الى شعرك،انه يعتبر في مقدمة اجزاء الجسم

هل شعرك جميل اللون؟..هل يعجبك ام لا؟؟

ماهي عيوبه بالضبط؟واي تسريحة تلائمه اكثر؟؟؟بنالسبة الى شعري فهو مشكلتي الابدية..لاني الى الان مالقيتش التسريحة اللي اتناسبه

مازلت حايرة بين الطول والقصر...مع انه الاغلبية اتفضله عليا قصير

والغريب انه حتى زوجي ايفضله قصير(راجل فريد من نوعه)

اما بالنسبة للون بما اني حنطية اللون ماعرفتش للان ايش اللون اللي ايناسبني

مجموعه اتقولي الاسود...ومجموعة اتقولي البني مع خصلات ميش

من عيوبه التقصف مع اني كثيرة الاهتمام به....

******************************************
2-الان انظري الى وجهك...هل شعرك متناسق معه؟؟هل يساعد مكياجك

على أكسابه جمالا ام انه لايلائمه؟؟؟؟ اي مستحضرات التجميل تلائمه أكثر؟؟؟

وكيف كانت تجاربك السابقة؟؟؟
بالنسبة لوجه..بصراحة تسريحة شعري غير مناسبة معه..

لاني انعاني من وجود الجبهة البارزة وقلة الشعر من الامام..

ولان شعري طويل (تحت كتفي بشوي)ومعاه الجمه (الغرة) طويلة فهي لاتغطي الجزء

البارز من الجبهة (خخخخ جبهة الصمود والتحدي ) وخاصة انه وجهي فيه الطول..

بالنسبة للمكياج...ميه الميه لاني فعلا نعرف اللي ايناسب بشرتي من كريمات والوان

واكثر المستحضرات اللي ناسبتني هي (ديبورا=ماكس فاكتور=قوووش)

اما عن تجاربي السابقة (كان عندي مفهوم خاطئ وهو انه اللي ايناسب البشرة الدهنية هو اللي

ايناسب البشرة المختلطة)وطبعآ انا بشرتي مختلطة...

*************************************
3-ثم انزلي الى ذراعيك ويديك...هل تعلمين ان بأمكانك ان تكسبي يدين جميلتين خلال

نصف ساعه؟؟
لو فيا حاجة امسقمه هي ايديا ودراعيا لاني نهتم بيهن بشكل مش معقول (اتقول بنطير بيهن..خخخ)
*****************************************


4- والان انظري الى صدرك وبطنك...والى ساقيك وقدميك ...ماهي عيوب كل منها؟؟؟؟؟؟؟؟؟

وماهي مميزاتها؟؟


بالنسبة للصدري ..الحمد الله وسط ( اهم شئ مش طايح )هههه

اما بطني وما أدراك مابطني..بصراحة اهملت العناية بيها في حملي الثاني

فا ماهتميتش بي تغذيتها بالكريمات فترة الحمل...فصارت بعد الولادة حدث ولا حرج

تشققات وخطوط بيضاء ونفسية تعبانه منها...

اما السيقان عندي فيها مشكلة وحدة وهي الشعيرات الدموية...

وبالنسبة للقدمين عدى التشقق اللي الحمد لله لقيتله حل (مازالن شايلاتني)

وهدي قصة حياة جسمي

**********************

فاياريت كل اخت حابة اتكمل امعانا اتجاوب على الاسئلة

علشان نتعاون في وضع برنامج يومي للعناية ومساعدة كل منا للاخر

على حل مشاكله وتشجيع انفسنا على الاهتمام بالجمال الطبيعي لدى كل منا

وللحديث بقية بعد مشاهدة الردود...ولكن مني جزيل الشكر
:weqwe:

شكرآ يا مرام على الرد اللي فعلآ انعش موضوعي

ونستنى انك اتردي على الاسئلة لاني ان شاء الله ناوية نعطي كل جزء من جسمنا حقه

فالعناية وناوية نبدوه وحدة وحدة...ونتبادلوا معلوماتنا الشخصية علشان انفيد ونستفيد

ان شاء الله...وبانتظار اجوبتك لك مني احلى تحية لاهتمامك بالموضوع(يا فراشة المنتدى)

..

بالنسبة للمكياج...ميه الميه لاني فعلا نعرف اللي ايناسب بشرتي من كريمات والوان

واكثر المستحضرات اللي ناسبتني هي (ديبورا=ماكس فاكتور




3-ثم انزلي الى ذراعيك ويديك...هل تعلمين ان بأمكانك ان تكسبي يدين جميلتين خلال

نصف ساعه؟؟
لو فيا حاجة امسقمه هي ايديا ودراعيا لاني نهتم بيهن بشكل مش معقول (اتقول بنطير بيهن..خخخ)
*****************************************



بالنسبة للمكياج...ميه الميه لاني فعلا نعرف اللي ايناسب بشرتي من كريمات والوان

واكثر المستحضرات اللي ناسبتني هي (ديبورا=ماكس فاكتور


وطبعا ان بشرتى دهنية ومرة اتعقد فى لم انطيب تفرز فى زيت من الحرارة


*************************************
3-ثم انزلي الى ذراعيك ويديك...هل تعلمين ان بأمكانك ان تكسبي يدين جميلتين خلال

نصف ساعه؟؟
الحمد الله ما فيهمش مشاكل الانى دائم ندهن فيهم بكريم


4- والان انظري الى صدرك وبطنك...والى ساقيك وقدميك ...ماهي عيوب كل منها؟؟؟؟؟؟؟؟؟

وماهي مميزاتها؟؟
مميزات باالنسبة لصدرى مشدود وصغير اما بطنى بعد الولادة انقوللكم اما الساق والقدمين اكويسة بدون مشاكل اما الاسنان فاكولجيت عمل مفعول قوى وكويس وازلات الشعر بااستعمال الحلاوة وطبعا هى وعر موت ولى عودة

مشكورة يا دكتورة مودة على المشاركة...لكن وين باقي اجابات الاسئلة

قفي امام المرآة وتأملي نفسك، واصدري حكمك بشجاعة...

هي الصدمه تجاوزتها من فترة والحمدلله

1-انظرى الى شعرك،انه يعتبر في مقدمة اجزاء الجسم

هل شعرك جميل اللون؟..هل يعجبك ام لا؟؟

ماهي عيوبه بالضبط؟واي تسريحة تلائمه اكثر؟؟؟
الحمدلله علي كل حال لكن مايعجبنيش وحكايته طويله لونه في الاساس كويس بس انا خربته وخربن الصبغات وعدم الاهتمامهو كان احلي حاجه فيا لون طول غزارة بس توا من كثره ماكرهته معش نديرلا في شئ معنفته ومعاقبته حتي المشط نادرا مش عارفه ليش التسريحه طبعا صارلي فترة طويله مش دايرتلا اي تسريحه مخليته هكي وانا عندي نفس مشكلتك مكان الغره مكشوف يعني يحتاجلي قصه جديده
2-الان انظري الى وجهك...هل شعرك متناسق معه؟؟هل يساعد مكياجك
واللهي هو مش بطال لكن يحتاج تغيير
على أكسابه جمالا ام انه لايلائمه؟؟؟؟ اي مستحضرات التجميل تلائمه أكثر؟؟؟
انا مش شاطرة في المكياج يعني حاجات بسيطه لان وجهي السهل الممتنع يعني خربطه هكي او هكي تبقي النتائج سلبيه والصراحه صارلي اربع سنوات ونص مانمكيجش يعني ظلال ورسم عين وغيرها واذا حاولت وتعلمت نقدر اندير حاجه حلوة يستر الله
وكيف كانت تجاربك السابقة؟؟؟
انا استخدمت سابقا برجوا وكانت حلوة الصراحه خصوصا الكريم الاساس والبودره وايضا استخدمت ديبورا الصراحه وقتها كنت حامل وبشرتي مش حلوة وكانت النتائج مش مرضيه علما اني يوم فرحي كانت هي ماركه المكياج وطلعت حلوة بيه وعجبتني ماركه ماكس فاكتور وانا نبي نشريها كامله اعتقد ان فيها اشياء تنفع بينا نحنا الدول العربيه وخصوصا الحارة لان نعانوا من الرطوبه والعرق
3-ثم انزلي الى ذراعيك ويديك...هل تعلمين ان بأمكانك ان تكسبي يدين جميلتين خلال
نصف ساعه؟؟
علي حسب لان البرد هنا يسبب الجفاف فاذا كنت دايره تقشير بالاسكروب وترطيب وتطريه تكون حلوة غير هكي وووووووواوووو مانحكيلكش جفــــــــــــاف
4- والان انظري الى صدرك وبطنك...والى ساقيك وقدميك ...ماهي عيوب كل منها؟؟؟؟؟؟؟؟؟
شوفي جسمي بعد الولادتين صار فيه ترهل كبير زوجي ايقولي عادي بس انا قريب انهبلت وماعمري اهتميت بنفسي بعد الولاده ولاربطت ولا اي شئ بطني يمكن ايكون في سبب صحي لان جسمي جسم بنت بس البطن فضحتني خخخخخخخخ الصدر طبعا انا متضايقه منه بس الناس ايقولولي حلو ههههههههه ماحد راضي ساقيا هههههه عندي للاسف بدايت دوالي بس ان شاء الله ناويه علي العمليه بس الحمدلله الهيئه كويسه قدميا برضوا من اول ماجيت هنا وانا نعاني من الجفاف بس من فترة بديت الاهتمام بيهن بس مستوي النعومه مازلت ماوصلت له رغم اني سابقا عمري ماعانيت من مشكله فيهن
وماهي مميزاتها؟؟
الحمدلله شايلاتني ونعمه من الله عز وجل
يعني بأختصار شديد...لازم تعرفي ميزات وعيوب جسمك،علشان تعرفي ايش اللي يبي محافظة
وشكرا حبيبتي ع الموضوع الاكثر من رائع وفعلا الواحد يتعلم ويستفيد من تجارب غيره ويفيد الناس معاه بدل من الانانيه
وايش اللى يبي اهتمام،ومنها تعرفي من وين تبدي بالعناية...

وان شاء لله بعد مانشوفو الردود عن هالاسئلة نبدوا ببرنامج للعناية بكل جزء فيه

مع مراعاة كل وحدة وايش اللي يتناسب معاها...وان شاءالله نفيدو ونستفيدو

وما يكونش موضوع ممل ومكرر...

[/quote]

موضع يهبل مش عادى لى عودة

برأءة اسماااااااااااااااح ثم السماااااااااااااااح هذا وين شفت الموضوع

ولا يهمك يا ام شوشو...انتي في اي وقت اتشرفي الموضوع..وعذرك امعاك

شكرآ يا مرام على الصراحة اللي مالهش احدود؛وان شاء الله نقدروا انحلو مشاكلنا

اللي هي فالاساس بسيطة ولكن تبي منا اشوية اهتمام وبدون مبالغة..

وان شاءالله نبدوا الجزء التالث من الموضوع...

بس هذا مش يعني انك ماترديش عالاسئلة...اللي حابة اتشاركنا ياريت تحكيلنا

عن مشاكلها لان منها نقدروا نستفيدوا من تجارب كل وحدة فينا...

شوفي يا براءة بالنسبة لشعري فهو اسوء من السوء ولله الحمد طاح نصه واكثر ولا طبيب عطاني دوا ينفع فقررت نطبب روحي بروحي حاليا ناخذ في متمم غذائي وندير له في حمام زيت(الآس.دابر املا الاخضر.الخروع.جوز الهند اللي في حكة حديد +مجموعة اعشاب هي الاكليل والمشاط(الجدرة)+الزعتر+التيه) وامبولات ايفا بالبانثينول البحري ونغسل بشامبو اطفال وما نقرب في البلسم الا للضرورة القصوى وهذا البرنامج بنمشي عليه 3 شهور وتوني بادية فيه وبندير الكثيرا مع السدر قالوا ممتازة بس ما زلت ما شريتها وان شا الله خير شعري ناعم ودهني عطه السلامة والسيشوار نديره لما تبدا النفسية تعبانة او عندي زيارة او جايينه ناس دايرة روحي بنحافظ عليه اما اللون فجربت الاسود والميش على لون شعري الطبيعي والقهوي الداكن والفاتح والحني وبصراحة اللي فرق معاي 180 درجة هو الميش لكنه بعد فترة زاد عدم الشعر وانا بشرتي فاتحة لاسمرة ولا بيضا عشان هكي كل هالألوان طلعوا حلوين عليا من وجهة نظري على الاقل!وبالنسبة للقصة فبعد ما كان شعري زي مانويلا الله يرحمه صار يا دوبك مغطي رقبتي لأن بعدما طاح قصيته بغبينة وبعدين عجبني الوضع وكلما يطول ننزل عليه قصدي المزينة يعطيها الصحة طايحة في لبنانية ايديها يلفن في الحرير شاطرة في القص يستاهل من قاله يطيح!وانا نحب القصة الحفارية حتى لما ما كانت دارجة زي توا وهلي يقولوا طالعة زي بنت ابادي بها القصة وهي ممتازة لأخفاء اي عيوب بالجبهة وتعطيك منظر طفولي حلو وانا هالفترة بحاجة للمنظر الطفولي بعدما بدا الزمن يبين علي وننصحك فيها راهي مش عادية بكل وتوا عندي عرس اختي ومحتارة نبي لون جديد وما زال ما قررت بعد العرس نقوللكم شن صار والنتيجة اللي طلعت معاي هذا ما يخص شعري وفي الحلقة القادمة بنتكلم عن بشرتي وهذه قصتها تنفع تنطبع في مجلدات تحت عنوان (هي خاربة خاربة خلينا نعميها!)

هي خاربة خاربة خلينا نعميها!)
ههههههههههههههههههههههههههههههههه
والله ضحكتينى لعند مانشرقت الله يسلمك ويدوم الضحك وخلاص
ولدى جنبى يضحك ومش فاهم ههههههههههه
ربى يشفيك حتى انا شعرى يطيح لكم موسم موسم وتوا لحمد الله كويس

والآن للبشرة وهالمرة مشاهداتي الكريمات مخصصة لبشرة وجهي بسم الله نفتحوا المجلد!: بداية عانيت من حب الشباب وما نفع معاي شي الين طحت على اعلان في قناة تسوق عن منتج برو اكتف واتصلت بيهم وشريته ب 225 دينار ونفعني من اول اسبوع وعطاني نتيجة مبهرة وانصح كل من تعاني من حب السباب تستعمله ممتااااااز وبعدين جيت لثاني مشكل الدهون اللي مخلية وجهي تقول مغطوس في الزيت + اسمرار حول الفم بالنسبة للدهون نجحت معاي نتروجينا بنسبة 80% ولله الحمد اما الاسمرار فما خليت كريم تفتيح تقريبا ما استعملته ابديها من شارلي بدينار لأمانة كير ب 120 دينار ولكنه ظل صامد صمود الاحرار امام الظلم! وحلف ما نعدي شكله اعجب بيا! المهم بعد الفشل الذريع في هالمهمة انتقلت للمهمة الثالثة وهي تنظيف البشرة بشكل فعال وبما انها دهنية وحساااااااسة ومبهدلتني كالعادة فلست من شرا المنتجات الخاصة بالتنظيف بلا فايدة والوحيد اللي ارتحت عليه وما تحسسست منه بشرتي لوريال بحمض الفواكة الثلاثي +خلاصة ماء الورد رهيب لكن على حظي انقرض من السوق الليبي وما عاد حصلته ولله الحمد وعادت معاناتي ومغامراتي مع المستحضرات ومن فتر طحت على مقشر فيزبلي كلين من نتروجينا وهو ممتاز بعد الحمام تكون المسام مفتوحة وتحسي بالنظافة معاه ونجوا توا للعناية بهموم البشرة تغذية ونضارة ومقاومة تجاعيد وهالدوة هادي واستعملت اولاي.لوريال.روك.زين الاتات.مستحضرات البحر الميت شوية نورة وبعدين بشرتي الشريرة تتحسس منها وتنحرق ويطلع فيها الحب ونغير وهكذا الى ان اشهرت افلاسي 2010 ولله الحمد بطلت المضاربة في سوق المستحضرات ورفعت شعار العودة للطبيعة وهذا كم ماسك استعملتهم من الاسبوع اللي فات وعجبوني لغاية توا وربي يستر:
الطين المغربي والعكر الفاسي ومية الورد
البقول الزبادي والحلبة والعسل والخميرة(الكوجينة كلها!)
السدر والزبادي
يوم بعد يوم كل مرة نوع والله المستعان ا ما عن المكياج فأنا من يومي مهووسة بالماركات وجربت ماكس فاكتور.بوبا.نينا ريتشي.ميبلين.افون وهي عبارة عن كريمات اساس بودرة انا عمري ما استعملت السائلة لن بشرتي ما تستحملها نبل الاسفنجة بمية معقمة ونمررها عالبودرة وكم طبقة تكون الامور تمام وبعد ساحة يشع الوجه بلمعان الدهون وكنك يا بو زيد ما غزيت بس اكيد توا فيه حل مع هالتطور الرهيب في المكياج ومسكرة وارواج اقلام كحل وبس وتوا ما نمشي للأعراس بتالي ما عاد نستعمل في المكياج من اساسه وانتظروا مني باقي تجاربي في المجلدات القادمة

وتوا زي ما قالت براءة ننزلوا لليدين والذراعين اليدين عندي فيهم مشكل اسمر من باقي جسمي مع خشونة وجفاف خاصة في الشتا ما نحبش حتى نشوف فيهن تحسنت امورهم مع خلطة خذيتها من وحدة مغربية وناوية نزيد نكررها هالايام وبالنسبة لباقي جسمي فهو بخير ولله الحمد متناسق وحلوشبيه بالعارضات معظمتي وافية وطويلة ورشيقة و لاعندي مشكل في بشرة جسمي عموما وكرعي لما يشققن نزود جرعة الفازلين ونضيف له كريم اسمه بانثينول وخلال اسبوع يخف او يختفي وطبعا الحف بالرشادة في كل حمام واجب وطريقتي في الحمام تعطي فيا نتايج حلوة من تنظيف وتقشير وتنعيم ونستعمل للترطين لوشن فازلين انتستف كير مع فازلين طبي للرجلين واليدين تحديدا وبالنسبة للعطور انا نستعمل في العطور الزيتية اللي تكون نسخة من العطورات الفرنسية المعروفة وبعد الحمام ندهن بكم قطرة على جسمي عشان ما تفوح الريحة لبرة ويركبني ذنب الفتنة وعطوراتي هي لوليتا.جادور.ميكائيل اللي نلقاه متوفر منهن نشريه وقبل جربت سمسارا وبن لادن والعطور الفرنسية كنت نستعمل في عطر مش مشهور لكن ريحته تهبل اسمه تاليتا وبعدين ما عاد حصلته.

اااااااااااااااااااخ من الجمال كل مانخطط انكون سمحه اينطلي حاجة تخليني اعععع هههههههههههههههه المشكلة فالمتااااااااااااااااابعه