سيدات الشيماء

السلام عليكم

احترامى ليكم وحدة وحدة انا غلطت معاكم
واخر مرة تسمعو عليا حاجة وراح انكون عضوة او كيف مانتم تبو تسمها ام الشيماء مديرة ولا عضوة متفرقش عندى
انا لما دعوتكم للمنتدى قبل كل شئ حاولت انى نستخدم الرسائل الخاصة فى منتديات اخرى
وقبل مانبعت رساله ليك وليها شوفت اسلوب كل وحدة فى المنتدى اللى بعت فيه رساله لها وشوفت مواضيعك وردورك واكيد انعجبت بيك ودعوتك للمنتدى
ومن اتجاهك انت قمت بتلبيت دعوتى وبارك الله فيك
يعنى حتى لما بعتت رساله بعتها لبنت بلادى او انها مقيمة فيها زى ام بشير ومها وام نبراس لانهم يعرفو عاداتنا وتقاليدنا .........الخ

على العموم انا لاحظت واكثر من وحدة فى المنتدى ملاحظة انها تحط فى عرم مواضيع ومعادش ترجع لها

يااااااااااااختى تبى تشتركى معانا فى المنتدى يااااااسر من العنصرية الزايدة اللى ماليهاش فايدة
ومنبيش وحدة تشترك فى المنتدى غصبن عنها لالا المنتدى هو تبادل الاراء مش تبادل العراك والمشاكل اللى ماليهاش لزمة

يعنى انا بامكانى قفل الرسائل الخاصة لو فى حاجة فيها احراج للاختك تقدرى تبعتيها للها خاصة

بلعكس بهذه الطريقة تولد الاخواء والصداقة

ونرجع للموضوعنا هو ردوووووووووووود على مواضيع الاعضاء ليش متردوش وانا نتكلم على الاعضاء اللى ميردوش ولو بكلمة شكر ولو بكلمة بارك الله فيك متكلفكش ولا حاجة بلعكس تأجر انت واختك عليها هذه الكلمة

اخواتى ارجو منكم عدم الزعل لهذا الموضوع

المنتدى ليس بعدد اعضاءه والله المنتدى بصحبة الصالحة وكلام الحلو اللى يخلى العضو يرجع ويشوف مواضيعه
انا نزعل لما نفتح المنتدى ونلقى موووووووووضوع مهم جدا جدا جدا وراد عليه واحد ولا اتنين من 200 عضو

ومافيش لازم منه الردود الجانبية اللى تزعل صاحب الموضوع

اذا انت شلت قلمك عن الرد على اختك هى تلاحظ هذا الشئ وهى كذالك مش راح ترد عليك وهذه الطريقة تسبب الحساسية الزائدة فى المنتدى

اخوتى واكرر هذا لكم ارجوكم ارجوكم ارجوكم
ان تكونو اخوات متحابين وانا اتكلم ليس على الكل



تقبلو تحياتى
اختكم ام الشيماء

بوركتى اختى على الموضوع وشكرا على التوعية لان الصراحة انى انصدمت امتى شفت عدد الاعضاء وصل ل211 بس للأسف مافيش من يتفاعل معانا غير عضوات محدودة بس
وشكرا ليك أختى الشيماء مرة ثانيه على الموضوع

ام شوشو زعلانه ماعاش من زعلك وبالنسبه ليا تقريبا انرد علي اغلب المواضيع ودايرة بالمثل انا لما اشتركت في المنتدي ماحطيت شئ لعند مارديت ع مواضيع واجد تقديرا واحترامن للاعضاء اللي اقدم مني في المنتدي وتقديرا لجهودهم في المنتدي ولكن الان بديت انزل في مواضيع وفعلا لاحظت ان في اشخاص يستقصدوا عدم الرد ع بعض المواضيع واذا دخلوا موضوع نلاحظ في اسلوب شاذا في الرد عموما انا معاك قلبا وقالبا مش لانك صاحبه المنتدي لالالالالالا لاني مع الحق وتوا مع السلامه وبردي الوقت هضا مايبي الا البارد وكل عام لجميع من في المنتدي ومانحكيلكش قاعده نراجي في بكره عشان نبي اندير عصييييييده وعشان نتفرج ع برامج عن سيرة الرسول واولها فيلم الرساله

لا إله إلا الله سبحانك إني كنت من الظالمين

دعاء جميل حبيت أفتح فيه مشاركتي, بصراحة يا ام الشيماء العضوات ما شاء الله بدوا يتفاعلوا بشكل ايجابي مع المواضيع, ولكن فعلا ما زلنا مقصرات ولكن أكيد من غير قصد وبارك الله فيكي على الملاحظة, ويارب نكون عند حسن ظنك بنا أول ما دعيتينا وعند حسن ظن الله اولا وأخيرا لكي يكون راضي عنا, وننتبه لما نكتب وكيف لا والآية القرآنيه فوق مربع الرد مباشرة , بارك الله فيكن جميعا واعذروني يا أخواتي لو طولت في الرد شوية على بعض المواضيع أو حتى بالمساهمة في باقي المواضيع فأنا ورايا كوم لحم على قولة أخواننا المصريين ههههه بس والله بحبكم في الله

انا نتكلم على الاعضاء اللى متردش والاعضاء اللى ترد بااسلوب قاصى او عنصرى او تكون متقصدة انها متردش على مواضيعها احيانا انا نكون والله موضوع مشفتاش رغم انى قعدة قدام المنتدى اكثر من الحوشى
انا نكون مش صاحبة الموضوع وننزعج

فرجاااااااااااااااااء يااخواتى انكم تحلو هذه المشكلة افضل
لانه المنتدى ينهاااااااار والاعضاء تمل

ماعمرى شوفت منتدى نسائى ليبي

وكانت فكرة انى اندير منتدى ليبيات وبس نحس بيها انجاز ليا
مش انكم تكونو اعداء

شوفو شبكات النت مااااااشاء الله ولا حول ولا قوة الا بالله مواقع نسائية خليجية مصرية لبنانية تحل العين المغمضة
شوفى منتدى سيدات شوفى منتدى حواء منتدى لك منتدى الصحبة الصالحة فى قمة الروعة
ياريت نكونو يد وحدة لرقى هذا المنتدى
وانا اسفة لو اطلت عليكم

لكن طفح الكيل بجد

وسعى بالك والله كلامك كله حق وانا لحظت انا فى مواضيع حلوا ومفيدة تلقى الرد واحد بس انا شاء الله المنتدى ايزيد يطور اكتر واكتر

زعما الكلام هدا لى

مين زعل أم شوشو وووووووووووووووووووووووو










احسن شي الرد السي يحدف وارسال رسالة خاصة بالإنذار
واني عارفاتك ماتقدريش تزعلي حد بس على خاطر الجميع لازم تطبقي هدا الراي

وسلامتكم
.
.


اعدروني كنت غائبة اسبوع لاني مريضة

والله انى نحاول ديما انخش لما نفضى وفعلا توجد مواضيع مهمة لدرجة انقول احسن شئ لما يرقدو الصغار نسهر ونقراها انى الصراحة نبى نستفيد من الوقت اللى على النت ونحاول فى نفس الوقت انفيد اخواتى ولكن للاسف مرات من التعب نرقد ونبخل حتى على فتح الكمبيوتر وربى يعينا لان وقت المدرسة مش زى ايام العطلة الصيفية ولكن يأم الشيماء انى استغربت من كلامك عمرى ما شفت رد مش لائق بلعكس اكثر شئ شدنى للمنتدى انه تحسى الاخوات اللى فيه محترمات ولكن مهما كان حتى لو فى وحدة ولا اثنين مش فى المستوى المطلوب انى انضم صوتى لصوت احلام واحدفى اى مشاركة غير لائقة وسامحونى طولت عليكم وربى يقدرنا ونكونوا فى مرضاته سبحانه وتعالى

لالاماتزعليش يا ام شوشو وجميع العضوات المفروض يفهموا بروحهم كررنا الموضوع كذا مرة والله يجعلنا انشاء الله اسرة واحدة

ليبية وام ماب المشكلة انحلت والموضوع ليه فترة

باهى الحمد لله لكن انى اول مرة من اول ما فتحت على المنتدى القيته مع انى قريت التاريخ 24 فراير وهذا علاش رديت المهم حصل خير والله يحفظكم

بنفولك يا ام الشيماء الى تلقى منها غلط لازم توجهيلها رسالة خاصة فيها تنبيه او انذار واحنى لازم نتقبلوا منك انتى المديرة مافيش باس ولازعل