لا عزاء للسمراوات!

بارك الله فيك اختنا المتميزة بمواضيعها

والله موضوع بالفعل يستاهل النقاش فيه

اولا واخيرا انا انشوف اللى يختار المراء على الجمال ولا على بيضاء ولا سمرا هذا اكبر غبى لانه الجمال جمال الروح مش جمال الشكل
والله رجالة هاليومين يعطيهم دعوة وخلاص قصدى دعوة خير
انا زمان كانت عندى صابتى سمراء تجنن ماشاء الله عليها وعمرى ماشفتها ادير فى حاجة بش تبيض وجها بالعكس تشرى فى كريمات برنزية وهى سمرا ويطلع عليها كل شئ ماشاء الله عليها
زمان من 8 سنوات تقريبا او اكثر شوفت ملكة جمال لبنان كانت سمراء سمراء سمرا
والله نسمع فى حاجات الان على ليبيا والعنصرية شئ يمرض والله شئ غريب
حتى السودانيات فى هولندا يقولوى انتم الليبيات تكره السمر الواحد توا شنو المفروض يرد عليها
سكتت لان فعلا ضااهرة غبية وسائدة فى العالم مش فى ليبيا وبس
دمى نحرق توا
لى عودة

انا معاك يااختى مرام لكن الحق فى عنصرية شويا وقولى هلبا

حتى انا نعرف وحدة قريبتنا حتى من العيون خضر واخدة واحد اسمر جدا جدا
وفى زمان كنت نقراء فى المعهد استاد اللغة العربية والقران اذكره بالخير اسمه استاد بشير اسمر لين خلاص واخد وحدة بيضاء ما شاء الله عليها لكن العنصرية نحس بيها زااااااادت الان
فى هذا الوقت يبيها بيضاء وطويلة ومليانه
توا دخلى للجنة يحساب
لاحول ولا قوة الا بالله

السمراء البرنزية انا تعجبنى بشرتها
نحس بيها يطلع عليها كل شئ

اختي زينه بارك الله فيكي موضوع متميز ويستحق النقاش لني أشعر انه سيغير من نظرة الكثيرات منا وسيكون بغذن الله بداية توعية للكثيرات منا, شوفوا انا أرى أنا سبب هذه المشكلة مصدرها البنات وقبل أن تهاجمونني, شوفوا رأيي: البنات يركضوا ورا كريمات التفتيح لأنه ما في وحدة عاجباها بشرتها, وهاتي يا خلطات من المنتديات لتبييض البشرة مع انه اللي يبيض الوجه عو العمل الصالح والصلاة والصدق والله وما في ذلك, المهم لو كل بنت اقتنعت بخلقة ربنا لها وآمنت بقوله تعالى :((وخلقنا النسان في احسن تقويم)) كان تغير الحال والفتاة مش ممكن تقنع حد بجاملها لو هي أصلا ما كانت مقتنعة بيه, صح ولا لأ؟

والرجال اللي أغلبهم أصحاب المحلات اللي تبيع هذه المنتجات شافوا الاقبال المش طبيعي عليها, اقتنعوا مع الوقت ان الجميلة لابد تكون بيضا, الحل في رأيي بعد الاقتناع التام بما أعطاه لنا الله هو أن نهتم في نضارة الوجه وليس لونه وزي ما قالت الأخت أم الشيماء هناك ملكات جمال سمراوات ومن لبنان لبناااااااااااان أرض البياض والنضارة والخدود التفاحية يعني هم اقتنعوا بخلق الله واحنا اللي عنا الصحرا والشمس والسمار مش مقتنعين سبحان الله, وياريت لو نركز علىمواطن الجمال فينا ونركز عليها يعني السمرا يليقلها الألوان البرونزية فعلا والله تطلع تجنن, والألوان الداكنة وهكذا كل وحدة فينا لها ما يليق لها, وختاما حل المشكلة عنا نحن بنات حواء لما نقنع الكل بأنا مقتنعات وسعيدات بما نحن وعناصر فاعلة في مجتمعاتنا عليه ساعتها لن تكون هناك عنصرية وسيحترم الناس بعضهم بعدين احنا دينا الاسلام واضح وصريح : لافرق بين عربي وأعجمي إل بالتقوى والعمل الصالح..... بين العرب والأجانب فما بالك بينا نحن العرب؟؟؟؟

وعشتن ما تقولوا عني حاجة أنا قمحية هههههههههههه وأخواتي بيض وعيونهم خضرا وزرقة عمري ما حسيت بغيرة بالعكس من صغرنا تربينا أن لكل انسان جماله الخاص به اللي يميزه عن غيره وهيك لازم نربي أولادنا عشان المستقبل يكون أحسن.................

شكرا على الموضوع الحلوا المميز فى الوقت هده ما فى حد عاجبه شى فى رواح السمراء تجرى وراء كريمات التفتيح والبياضة تلقوها ادير فى برنزج ويلبسوا فى عدسات الملونة الاصقة مش عجبهم لون اعيوانهم سبحان الله ماحد فكر وقال الحمد الله على الخلق الكمالة ولو ايشوفوا فى ناس رابى حرامهم من نعمة النظر وتلقى وجوهم مشوهة ويقولوا الحمد الله الانسان بى طبعه طمع زيد وانا عن نفسى سمراء قمحى وعجبنى لونى ويام خطبونى بياض وشقرا وعيونهم ملونة وعادى ولا فى مشكلة وعادى وصدقونى يام فى بنات سمروشكلهم حلوا وماشاء الله عليهم والحمد لله على كل شى والحمدلله على الصحة وعلى النعمة اهم شى

خدوا هادي النكته:
واحد قال عايز وحدة بيضا وطويلة وتعمل

جابوله ثلاجة ههههههه

توا فكروا معي تكوني سمرا دمك خفيف ووجهك منور بالايمان وكله نضارة لأنه اكلك تمام وصحي ومهتمه بيه بالخلطات الطبيعية المضمونه ولا يكون وجهك محط تجارب للكريمات والمنتجات ومرة تصيب ومرة تخيب, واحيانا اختلاف في درجات لون الوجة والله عن تجربة شفت اللي يلعبو افي وجوههم مرات النتائج كارثية....


وعموما خذوا هادي الوصفو مني لنقاء ونضارة البشرة ويقولوا إنها تفتح لون البشرة الله أعلم المهم النعومة والنقاء, ماشي:
ملعقة زبادي وزيها عسل وزيها طحينية اخلطيهم تمام وحطيها على وجهك قولي تلت ساعة كفاية ولما تشيليها افركيها فرك بحركات دائرية خفيفة واغسلس بماء فاتر بصراحة نعومه رائعة اما عن البياض الله أعلم بس هيا موصوفة للبياض

أهم شي الصحة والعافية

والعنصرية صايرة في كل شي
الغني والفقير
المتعلم والجاهل
الابيض والاسمر
بنت الحسب والنسب وبنت راعي
الطويلة والقصيرة
.
.
.

والقائمة تطووووووووووول

لكن الوحدة تحتسب الاجر عن الله والله لا يضيع تعب أحد إن شاء الله

واخيرا ادكركن بحديث الرسول

قال رسول الله صلى الله عليه وسلم (( تنكح المرأة لاربع : لمالها ولحسبها ولجمال ولدينها:
فاظفر بذات الدين تربت يداك ))
.
.

[color=violet]مها ، احلام[/color] شكرا عالمشاركة ،براءة بصراحة وخيتي عجبني كلامك وفيه عزاء للسمراوات بحق!

السلام عليكم ورحمة الله وبركاته

بارك الله فيك أختي على الموضوع المميز
انى زي بعض الأخوات كنت انشوف فيهم الكل يجري ورا البيضاء والطويله وبنت فلان وامها بنت فلان ومتخرجه دكتوره

وصادفنى اكتر من موقف لدرجة مره واحده تشتغل معاي هي قمحيه وشكلها عادي تحكي يبو يخطبو لخوها سالتها مره شنو المواصفات قالتلي ضروري بيضاء وحلوه وبنت عائله معروفه سالتها مش بالضروره المهم بنت كويسه ومحترمه وملتزمه قالت لالا نبوها بيضاء لتحسين النسل اتصدقوااااااااااااا

وهلباااااااااا نماذج غيرها نفس الكلام
لكن صارت قصه قدامي غيرتلي تفكيري نهائيااااا

نعرف واحد ليه 5 سنين ايدور يخطب يبيها بيضاء وحلوه وجسمها مانيكان وملتزمه وبنت عيله ومؤدبه بعد هالعمر كله اتزوج واحده قمحيه وعاديه جدا مش فاتنه ولكن ماشاااااء الله بنت عيله ومؤدبه ومحترمه وكل مايشوفها توا ايقول انتى احلى واحده شفتها وعرفتها في حياتي سبحان الله

الدنيااااااا نصيب وكل انسان ونصيبه انى قمحيه وعيوني بني واخواتي بيض هلبااا مش شوي وعيونهم خضر وزرق ولكن اتصدقو انخطبت اكتر منهم كلهم والحمد لله رزقني ربي بولد الحلال الملتزم

بارك الله فيكم على النقاش الرائع

اعلان هام

لغاية الآن توصلت العضوات للنقاط التالية:

الزواج ماله دخل بالبيضا أو السمرا

الجمال جمال الروح والأخلاق ومن ثم الوجه

نصيبك حيصيبك شئت أم أبيت

ربنا ألطف بنا وهو أعلم بما يناسبنا

نحمد الله على الخلقة الكاملة

ما في مانع من البحث عن الجمال المهم ما نخبص في وجوهنا وما نضع إلا ما هو مضمون وخضع للتجارب

خلصت ههههههه

خلاصه رائعه مها

أشكركن على التعليق المشجع سناء ود. مودة

موضوعك زين يا زينة وحيوي

لكن النظرة للجمال عند البشر متفاوتة
وسبحان الله

ربنا خلق الناس الوان لان الناس اذواق
وزي ما يقولوا في مصر كل فولة ليها كيال

وكل انسان ينام على الجنب اللي يريحو

يعني فيه اختلاف في الطباع حتى في الاكل والشرب
ناس تفضل الاسماك ناس تفضل اللحوم الحمراء ناس تفضل الطيور
لا تسمى هذه عنصرية ولا تحيز او شئ من هذا

انا اعتبره مجرد اختلاف اذواق

فأنت لو جاك واحد اصلع او قصير او شكلا مش عاجبك ورفضتيه ماتقدريش تقولي هذا بسبب العنصرية

وهذه الاختلافات هي من ايات الله في الارض
ومن اياته اختلاف السنتكم والوانكم
وحتى الحور العين في الجنة والنساء في الجنة يوصفن بشدة بياضهن
وليس هذا انتقاص من السمراوات ولكن هذه حكمة الله في خلقه هو الذي فطر الناس عليها


تقبلي مروري

حطيتها في القراج شوية
ماهو انا تحممت
فلازم اغير ملابسي من وقت لاخر

والقطة لازم ترتاح شوية هي كمان
بس حاترجع تاني ماتخافيش
ليها شغل معايا ما اقدر استغنى عنها
نياهاهااااااااااااااااااااااااااااااااااااااي

موضوع حلو وجميل وانا عن راي انه مش عنصرية قناعات
يعني مافيش فرق بين البيضاء والسمراء الا بالتقوى والعمل الصالح بس
وفيه يا ما بنات سمر احلى من بيض ويا بيض باردااااااااااااات من كثرة البياض واكيد اللون ماليشي علاقة بالزواااااااااااااااااااااااااج
الزواج نصيب يا ما شينات مافيهم ماينشاف وتزوجوا وجميلات قاعدات كله مكتوب عند ربي واللي عنده نصيب حيصيبه باذن الله

وعلى فكرة مش عنصرية مني بس اني من الناس اللي منحبش بيضاء تتزوج اسمر او العكس لاسباب اني مقتنعة بيها
مثلا الاولاد كل واحد لون وفيه يا ما منعممش بس تسبب الغيرة بين الاخوات واني وحدة صاحبتي امها تونسية بيضاء وبوها من الجنوب وحدة شقراء ووحدة سمرااااء وفيه حساسية وصلت لدرجة خربت على اختها مع خطيبها وسيب اختها وجئ خطب الثانية ووافقت وتزوجاته بس لسبب غيرتها من اختها لانها بيضاء

ويا ما حالات مش من جهة الرجال لان احني البنات اللي ميعجبنا شئ
والله عروس جت وقعدت عندي 3 ايام واخدة صديق زوجي اسمر بس الطيبة اللي فيه هو واهله مشفتهاش قبل بس من اول يوم شفتها حسيت كانها شايفة روحها عليه لانها بيضاء
وليهم 3سنين متزوجين وللاسف الاسبوع اللي فات اتصل زوجها وقال انهم اطلقوا بالثلاثة لعدم احترامها ولتصرفاتها بانها افضل منه

والمسالة كلهاااااااااااا قناعات ونصيب