باينه كدا عريس [الأول : الانطباع الاول والقرار الاخير]

انا قريت حتة مدونة ملهاش حل صرخة بنت عايزة تتجوز وعلي فكرة كلامها كله واقعي وفكرني باحداث كتير ححكي لكم عليها تباعا
خلونا بس الاول نعمل اساسات للموضوع
اولا الموضوع فيه الحقيقي واللي حصل بالفعل وفيه اللي شفته في بلاوي بنات غيري
ونظرا لان معظم اللي بنشوفهم عاهات وان الشباب اللي زي الورد اللي زيكم كدا خلاص قربوا ينقرضوا ححكي لكم قصص العرسان ليا ولاصحابي والله ينفع نعمل لهم كتب

نبتدي بالعريس الاول

رن جرس التليفون
روما نفضت خالص لانها بتتخنق من الرد علي التليفون وبتوفر صحتها بدل ما تضيعها في الكلام
نسمع صوت صريخ جاي من المطبخ ينذر روما بانها متستعبطش وتقوم ترد احسن لها
ولايمان روما الوطيد بأنها صاحبة مبدأ ومش ممكن تغيره تحت اي ظروف تعمل انها مسمعتش اول سرينة انذار
تسمع روما انذار اخر وحركة اقدام وكدا دخلنا في مرحلة الخطر هو صحيح المبدأ حلو ولازم نحافظ عليه لكن العمر مش بعزقة يا ولدي وطول عمري بؤمن بان الجري زمان مكنش جدعنة ودلوقتي نص الجدعنة بس عندي انا كل الجدعنة ماهو دا برضه مبدأ
ترد روما علي التليفون
روما : ايوة
انتي العروسة؟؟؟
روما : مين ؟؟؟
انتي العروسة
(مش عارفة ليه افتكرت ساعتها يونس شلبي في العيال كبرت وهو بيقول لمامته جبتي البسيمة)
روما : عروسة ايه النمرة غلط معندناش عرايس هنا وبعدين المولد انفض خلاص
لا مش غلط انا متأكد وبعدين هو انا عايز عروسة حلاوة
روما : دا انت فاضي بقي ... انا بقي مش فاضية
ممكن اكلم بابا لو سمحتي
روما : بابا مين
بابا بباكي
روما لنفسها(هو انا بقيت جامدة اوي كدا من اول مكالمة يكلم بابا)
روما :بابا مش موجود لما يرجع ابلغه حاجة
اه قوليله حكشه العريس كلمك
روما : حكشة حكشة هو انا هتجوزة
روما تتنح للحظة اه صحيح دا انا هتجوزه ايه حكشه دي عموما ميضرش لما يجي بابا نبقي نشوف موضوع حكشة

نلتقي بعد الفاصل

e]]وينك اختى شيماء هذا مش فاصل اعلانى هذا الشريط انقطع[/b] 475

وين باقى القصة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انراجى فيك ..... 521

]b]شيماااااااااااااااااااااااااااااااااااااااء هالوووووووووووووووووووووووووووووووووووووووو
ويييييييييييييييييييييييييييييييييييييييييييييييييييييييييييييييييييييييييييييييييييييييييييييييينك ؟؟؟؟؟؟؟؟؟؟؟؟؟؟
شكلك وافقتى عالعريس ومشى حالك.......يالله بالرفاه والبنين[/b]

اسفه ياجماعه عن انقطاعى اعذرونى
وان شاءالله ارجع لكم بباقى القصة بس ياريت ردود اكتر من هيك

يدخل والد روما من باب الشقة فيلاقيها قعداله
والد روما : يا ستار يا رب فيه ايه يا بت
روما : جالك تليفون
والد روما : وهو دا اللي مخليكي قعدالي زي القضا المستعجل كدا
روما : اه
والد روما : مين اللي اتكلم
رروما : واحد اسمه زعترر لا حموكشة تقريبا
والد روما : آآآآآآآآآه طيب
يحاول والد رروما جاهدا الاتجاه لمكان اخر
بس علي مين وراك وراك
روما : لا يا بابا حوكشة دا السباك دا ولا ايه
والد روما : ما انتي فاكرة الاسم اهو وبعدين انتي مالك مين دا هو انتي هتحاسبيني خلاص بلغتيني انه اتصل ومن سوء حظه انتي اللي رديتي وخلاص هبقي اكلمه اطيب خاطره بكلمتين
(عارفة انا سياسة خدوهم بالصوت دي بس علي مين)
روما : اصله يا بابا قال كلام غريب جدا منيمنيش لحد ما انت جيت
والد روما : خير قال ايه دا كمان
روما : قال انه عايز عروسة باين
والد روما : هو قالك كدا ؟؟ غريبة وجاي يدور علي عروسة هنا ملاقاش غير هنا يدور فيه علي عروسة هو مستغني عن نفسه؟؟؟
روما : هق هق هق بابا سؤال مباشر هو انا جايلي عريس
الاب يعمل نفسه بيقرا في الجورنال
روما : باباااااااااااا انا جايلي عريس
الاب : باين كدا
روما باين كدا : هو مستني قرعة رمضان ولا لسة لم يصبه الدور شكلك كدا يا بابا ركنه بقالك كتير
الاب : ايوة ما انا عارفك هتلزقي وهو يعني لازم الذكي دا يقولك حاجة انا قلت بعد الامتحانات نبقي نتكلم
روما : دا علي اساس ان الموضوع فارق معايا اصلا واني بمتحن امتحانات 6 ابتدائي وشهادة ولو مجبتش مجموع هدخل اعدادي مهني مثلا ولا يمكن ....
الاب : خلاص بقي عموما هو واحد ابن صاحبي وعايز يتعرف علينا قلت بعد الامتحانات نبقي نفتح الموضوع وبعدين قومي ذاكري
روما اصل الميس مدتنيش واجب النهاردة وبكرة يوم رياضي

نلتقي بعد الفاصل

باينه كدا عريس [الأول : الانطباع الاول والقرار الاخير] 29742

واصـــــــــــــــلي

باينه كدا عريس [الأول : الانطباع الاول والقرار الاخير] 805105

شوقتينا كملىىىى

في صباح احد الايام
المفروض اني نازلة بدري
اقوم من النوم الاقي بابا وماما لابسين ومستنيني
خير اللهم اجعله خير
روما / خير ان شاء الله رايحين فين
الاتنين في نفس واحد / هنوصلك
ربنا يحميكم من العين ويخليكم ليا بس اكيد كدا الموضوع فيه انه
ارتديت ملابسي علي اقل من مهلي ماهم مستنيني ومحدش هيقعد يستعجلني ويقولي هسيبك بصراحة بستغل الموقف
خلصت خلاص وظبطت نفسي ع الاخر ودخلت لبابا
روما / بابا خلاص خلصت
بابا / يالا بينا
روما / الا قولي يا بابا اشمعني يعني النهاردة مستنيني ما انا قبل كدا كان لساني بيتدلدل علشان توصلني ولما توافق كنت تخليني اكمل لبسي علي السلم وكنت بلبس الشراب والكوتشي في البوابة بتاعة العمارة
الاب / "بطيبة بالغة" ابقي البسي نظارة شمس
روما / ايه؟؟؟
الاب / البسي نظارة شمس وبلاش النظارة التقاوي بتاعتك البسي نظارة كبيرة شوية
روما / هو انا من امتي الصبح بنزل من غير نظارة شمس دا انا لو رايحة للجيران لازم البسها بس ايه الطلب العجيب دا
الاب / عادي يعني الشمس حامية
اتلفت كدا الاقي ماما لابسة نظارة شمي كبيرة اخدة نص وشها
هو ايه نظام التخفي دا يكونوش هيعينونا في الحرس الجمهوري
بصراحة انا مش مرتاحة لهم من الصبح بس خلونا معاهم للاخر اصلهم مش بيتجمعوا الا لو فيه حاجة وكمان الصبح دا ممكن اليوم دا يتكتب في التاريخ
المهم علشان مطولش عليكم نزلنا وركبنا العربية والمفروض اننا نتجه لحي الشرق يعني رايحين نحية البحر
الاقي بابا رايح نحية القابوطي
ايه دا هو خاطفني انا بقول هو يوم باين من أوله
روما / بابا انت رايح فين
الاب / مشوار كدا هو انتي مش لسة عندك وقت
روما / هو من جهة الوقت عندي وقت بس المكان مش مريح لنفسها "هو للدرجة دي ابويا مخنوق مني هيسربني ولا ايه"
وصلنا لكان شبه الادغال كدا كهف تقريبا ولقيت بابا بيقولي انتي مفطرتيش ادخلي المحل دا هاتي سندوتش وركزي في اللي قاعد علي الكاشير
روما / مين ؟؟؟
الاب / اعملي بس اللي بقولك عليه
خدي فلوس اهي
روما / هي جت علي الساندوتش يعني اجيب ساندوتش واحد ونقسمه علينا وبعدين جايبنا علي حدود بورسعيد علشان اجيب ساندوتش ما كنا جبناه من جنب البيت
الاب / ما انا عارفك ما انتي بنتي من زمان
بصي يا بنتي الللي قاعد علي الكاشير دا هو العريس ياريت تشوفيه وتقولي رايك
روما / عرريس يا كزوفي باينه كدا عريس [الأول : الانطباع الاول والقرار الاخير] Shy

باينه كدا عريس [الأول : الانطباع الاول والقرار الاخير] Shy

طيب الحق انا الطعمية قبل ما تبرد "لنفسها وانا اللي ظلمت وقلت انك بتسربني زي القطط"
نزلت من العربية لقيت ماما في ظهري شبه حرس الريس
روما / طيب انا جاية اشوف العريس انتي جاية ليه
الام / كدا
روما / ايه يعني محرم طيب تعالي
وصلنا لباب المحل ماما وقفت عند الباب ومتحركتش وانا بقي كملت المسيرة
ودخلت وياريتني ما دخلت

نلتقي بعد الفاصل

واصلي عزيزتي في الانتظار

وينك ياالشيماء حرقتي دمنا انا عارفه عشان تخلينا نستنا وننتظر بس عادي ولايهمك هههههههههههه واصلي

تؤتؤتؤتؤتؤ
ينفع الكلا م ده فين المشاركات والردود انتم بخلاء
يلا شجعونى علشان انزلكم الجزء التالى

باينه كدا عريس [الأول : الانطباع الاول والقرار الاخير] 810285

شيماء شيماء شيماء

تشجيييييييييييييييع

كملللى نهارك
باينه كدا عريس [الأول : الانطباع الاول والقرار الاخير] 706318

طيب بذمتك ياام الشيماء ينفع كده
52 مشاهده والردود11
لا
مش ينفع كده
ده العرسان كتير وعايزة نخلص عريس الاول علشان ندخل على التانى

يا الشيماء باينه كدا عريس [الأول : الانطباع الاول والقرار الاخير] 600813

يلا يا شيماء واصلى

هههههههههههههههههههههه

ماشي يالشيماء البنات كلهم بستنوا فيكي يلة ما تخجليهم

باينه كدا عريس [الأول : الانطباع الاول والقرار الاخير] 457155

طيب علشان خاطركم انتم بس
هههههههههههههههههه
هنزلكم اخر فصل فى العريس الاول

دخلت واول ما ضربت عيني لقيت خير اللهم اجعله خير طول كدا ولا هاني رمزي حاجة كدا من اللي بيخاطبوا بيهم الفضاء الخارجي
يالهوي دا وهو قاعد اطول مني
انا صحيح عايزة احسن السلالة بس مش لدرجة ناطحات السحاب
وبعدين كدا مش هيكون فيه تكافؤ اصلا لان فيه فرق حوالي متر بيني وبينه
طيب لو في الخروج ممكن اتصرف والبس كعب 99 سم
لكن في البيت اركب رجلين خشب يعني ماهو انا لو منتبهتش لنفسي ممكن يدوس عليا وهو مش واخد باله اصل الناس اللي فوق دول مبياخدوش بالهم من النمل اللي تحتهم
وتقروا علي المنتدي عنوان مصرع عروسة والتفاصيل وجدوها عالقة في شبشب العريس
المهم انا داخلة ووجهت كلامي للانسان دا وقلت له ساندوتش قالي نص جنيه
يالهوي ساندوتش بنص جنيه
دفعت وانا مذبهله امال مطعم ايه بقي ماهو بابا قالي عنده مطعم
رحت للطباخ لقيته بيقولي فول ولا طعمية
رديت وقلت طعمية
وضربت عيني تاني علي الاستاذ الاقي شكله يدي علي الاربعين ربيعا
اخدت الساندوتش ودخلت العربية وكانت ليلة
روما / بابا هو انت بتقول انه عنده مطعم صح
الاب / اه يا بنتي
روما / مطعم يعني كباب يعني تيك اواي يعني فراخ مشوية يعني ع الاقل بيتزا
لكن فول وطعمية مش مطعم وعموما سيبنا من دي يمكن كان واعدك انه هيفرش لك الشقة جرجير ولا حاجة
انت بقي بتقول سنه قد ايه
الاب / هو بيقول انه متخرج السنة اللي فاتت من الكلية
روما / اها يعني الاستاذ غاوي تعليم وبقاله 65 سنة بيسقط في الكلية ويفتكر لما يتخرج انه يتجوز ما كان اتجوز وهو في تاني سنة
دا يا بابا سنه لا يقل عن 35 او 40 سنة
الاب / ماهو مامته قالتلي
روما / اهلا اهلا مامته هي اللي قالتلك ليه هو بباه فين
الاب / موجود يا بنتي
روما / طيب ومامته قالت لك ايه
الاب / قالت ابني مخلص كلية السنة اللي فاتت
روما / انا بقول اكل الساندوتش بدل حرقة الدم دي
"وساد الصمت"
ووصلنا المكان اللي المفروض اني انزل فيه
الاب / يعني ايه رأيك
روما / بصراحة طعميته ملهاش حل
الاب / انتي هتستعبطي انا بقولك انطباعك عن العريس
روما / عريس ايه بس هنجيب له نجف منين دا ابقي قوله الطعمية حلوة بس جواز لا خلاص جبرنا
وطبعا كالعادة محصلش نصيب

خخخخخخخخ الباين ان حظها مش ولابد كم عريس في الليسته من الاخير سلمت ايديك وننتظروا العريس الثاني بس ماطوليش

نشفتي دمنا ياشيخه...الله ايسامحك

بس مش مشكلة والله القصة تستاهل...وفالاخير اطلعت بنت جدعه...

نرجووووووووووووووو فيك...... yhbhk4

شكرا لمروركم ياحلوين
اول فصل فى العريس الثانى ووووووووصل
https://alshaima.yoo7.com/montada-f22/topic-t1649.htm
العريس الثااااااانى

» باينه كدا عريس [الثاني: قريب طنط حشرية ياما جاب الغراب لامه]
» عريس يتزوج عروسته وهى مقتولة
» لايفوتكم حوار بين عريس وعروسته
» عريس عصبي يكتب في دعوة عرسه
» عريس يعرض أمه للبيع فى ليلة زفافه