غرفتك

1-لون غطاء السرير
كريمة فى الابيض
2-اهم شئ لازم يكون موجود في غرفة النوم في رايك
مش عارفى والله لكن ممكن الساعة او العلاق الحوايج
-3شئ في غرفة نومك عاجبك وشئ اخر مش عاجبك الى عاجبنى ساهل ضمانها واللى مش عاااااااااااجبنى صغيرة
-4ايش اللي موجود فوق الدولاب وتحت السرير من غير فضايح فوق الدولاب شناطى سفر وتحت السرير شناطى سفر فيهم حوايج الصيف هههههههههههههههههههههه
-5لون الستائر كريمة
6-هل تفضلين الفرش علي الارض ام لا شئ اهم شئ الفرش
-7كم عدد الادراج بالغرفة 4 قعدة انقولك فمها فى قعرها الدار النوم
-8ايش حاطه فوق التسريحة روائح
-9 عندك علبة مناديل اولا اكيد
-10هل ترتبي سريرك بعد النهوض اولا احياااااااانا
-11دولاب ملابسك مرتب او نص ونص ربع ربع لكن دولاب راجلى 100 %
-12لاشياءاللي ماتستخدميها وين تحتفظي بيها كان على الحوايج فى المخزن لوطا وكان على القربج الزايد تحت السرير ههههههههههههههههه
-13وين تحطي الاشياء المهمة في الغرفة عندى دولاب
-14هل في احد يشاركك الغرفة واذا في من كلنا نرقدو مع بعض دار صغارى بالاسم ههههههههههه
انا لما نرقد لازم ولدى انجيبه جبنى وبوهم لازم يجيب البنت وبهده الطريقة سرير العيلة هههههههههههههههههههههههههه لكن توا تعودت بنتى ترقد بروحها ونروح لحوش معنديش مشكله يرقدو فى دارهم

كملت التحقيق

انسيت سؤال 15هل تحبي تغيير اماكن الاشياء بالغرفة ماعندى كيف نغير فيها فمها فى قعرها قولى الحوش زى المهبولة كل مرة نغير حاجة ان شاء الله كرسى المهم نغير

بارك الله فيك علي الاجابات ههههههههههه وحلوة وجادوري طبعا انا هنا كل مرة في شقة شكل يعني مانعتبرش روحي مستقره في دار لكن حنقول علي غرفتي في ليبياوبصدق وبدون لف او دوران والله علي مااقول شهيد 1-الغطاء امتاع السرير لونه ابيض بس الدنتيل اللي فيه من تحت لونة مشماشي هادي وفيه ورد صغير وردي هادي2-الشي اللي مش عاجبني انا عكسك يام الشيماء انا غرفتي 5*5 بصراحة كبيرة وانا انحب الغرف الملمومه والشئ اللي عاجبني ان شباكها علي البحر ومامقابلنيش شي يقيدني3- والله فوق الدولاب مافي حاجة وتحت السرير انت عارفين في موبيلات مسكر تحت السرير فمافيش شئ4-لون الستارة مشماشي هادي ذوق عمتي سبحان الله القلوب عند بعضهن من غير مانقوللهم علي لون الوراغن لقيتهم حاطين ستارة مشمشية هههههه5-طبعا الفرش وانا نراهن ان جميع الليبيين حتي راقد الريح لازم يفرش الغرف ارضي وعجميههههههه شعب معقد 6-الادراج11-7كنت حاطة مكياجي والعطور وكل عدتي وبعدين حسيت الزيانة قعدت كوافير شلتهن وحطيت بدالهن عطور وشوية تحف -8اكيد طبعا-9لا مش كل الوقت بس اكيد من الثمانية لعند مانرقد تقريبا نقعد فيها خصوصا كنت حاطة فيها التلفزيون وصاحبتكم وين ماتلفزيون وين ماانا-10والله لازم لان دائما ايجيني حد ومانحبش حد يشوف حاجة حايسة هههههه ويقولوا مرا بايرة-11بالنسبة ليا ديمة حايس سابقا وتوا بس لما كنت في ليبيا لازم انضمه عمتي واعرة ههههههههههاما زوجي دولابه ماشالله عليه-12هنا في السويد في المخزن اما في ليبيا فكان شوية في الداليب وشويه في البلكوني ومافيش كثرة حاجات ههههههه-13في الادراج ولو في حاجة مهمة في شنطة وفي الدولاب -14هههههه نعم زوجي وحتي انا كيفك توا امشاركينا العيال كل واحد يسيب مكانه وايجي يرقد امعانا-15 انا نحب نغير بس مش ديمه نقدر هنا في السويد الاثاث ساهل بس فس ليبيا صعب من السنة للسنة وتوا تعبت من الاجوبة ياريت اللي تدخل مش تقرا وتهرب تجاوب ونحنا مش استخبارات وعلي قيس لحافك مد رجليك واذا رجعت لليبيا حنحط صورة للغرفة ويكون للموضوع بقية

لون الغطاء اخضر فاتح فى العسلى 1 2 اهم شى موجود ساعة الحائط +المصحف 3 كل شى عاجبنى فى غرفتى اصلا احس احس مكان وديما انحب انقعمز فيه هده علاش مهتم بيه زيد على الازوم 4 شنطة السفر تحت السرير فاضى 5 كريمة فى العسلى 6 نعم افضل الفرش على الارض 7 16الدرج 8 عدة المكياج كاملة الروائح المشط ساعة يد 9 اكيد ضرورى 10 نعم اولا 11 مرتب اصلا زوجى يتعقد لم يلقاء الدولاب مش مرتب 12 مش عارف 13 فى خزنة خاصة وسرية 14زوجى فقط 15 دائما انغير فى الغرفة كل يوم بى شكل

معقولة ولا واحد دخل جاوب عدا ام الشيماء ودكتورة مودة

انا كنت زعلانة بس توا لا مبسوطة وشكرا لمرورك ياسنا وانا نحب الموف واجد وانشالله المرة الجاية توصفينا غرفة نوم الزوجية

اهلا مرام موضوع سمح بكل لان انا من الناس اللى غالى عليا القصقصة ونحب التفاصيل الصغيرة ونركز عليها وتوة نجاوبك
1_لون غطاء السرير بيج بالبنى بالبرقالى هذا الشتوى والصيفى ابيض
2_اهم حاجة تكون فى دار النوم شيشة المية والمنبه
3_اللى عاجبنى ان فيها روشن من الساس للساس على كبر الدار مانحكيلكش على الاضاءة فى الصبح تشرح النفس واللى مش عاجبنىانه يتعب فيا فى التنضيف
4_فوق الدولاب غبار وتحت الفراشالدبش الزايد فى شناطى
5_لون الستاير بنى
6_الفرش ضروووووورى جدا المكت والعجمى
7_عدد الادراج15 درجما نحكيلكش على يوم التقليب
8_فوق التسريحةعطور ومكياج والدنادين والدبلة
9_المنديل مش علبة رول
10_نرتبه طبعا بس بعد نفطر
11_دولابى طبعا دولاب راجلى مرتب 100%اما دولابى لوجيتينى قبل ما نكمل البنى راه لقيتيه فوضى فى فوضى اما توة شن نقولك 75%
12_الحاجات اللى مانبيهنش نحطهن فى الكناسة
13_الحاجات المهمة والتمينة فى مكان سرى مانقولش عليه لحد
14_راجلى مشاركنى فى كل شئ

1) لونه مووف
2) المكيف
3) اللى عاجبنى ان الروشين كبير بس اللى مش عاجبنى ان يدخل فى الضى هلببه يعنى الدار مش مظلمة بكل ههههه
4) فوق الدولاب شناطى سفر وتحته فاضى
5) ابيض شبيه بالسكرى
6) اكيد انفضله
7) 14 درج
8) كل شى خاص بيا يعنى من برفانات وكريمات واكسسواراتى
9) على حسب ادا كنت مزكومة انحطه بس غيره لا
10)

11) نص نص
12) الهدايا القديمة واهم شى اكسسوراتى
13) فى صندوقتها ومرات تلقيهم فى الدرج
14) اختى
15)لالالالالالالالا