دعائكم الى امان

تذكير بمساهمة فاتح الموضوع :

السلام عليكم

مش عارفة شنى بنكتبلكم الخبر محزن اختنا امان تعرضت الى حادت الجمعة الماضية وهيا تاعبة هلبة وياريت متبخلوش عليها بالدعاء


يارب اشفيها والطف بيها

اميييييييييييين

حالتها قاعدة كيف قبل مفيش ولا خبر جديد وقاعدين مانعين الزيارة راجلها بس يسمحوله يخش يشوفها

ومعتدنا مانديرو الا الدعاء انا صراحة مقدرتش نصبر عليها وكل دقيقة نحاول نسمع عليها اي خبر

ربي يشفيها ان شاء الله ونسمعو عليها الاخبار الطيبة

قال تعالي : " وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ <>
َفاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ "

قال تعالي : " وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ <> فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "


قال تعالي : " وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ <>فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي
الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ "


قال تعالى : " امن يجيب المضطر إذا دعاه ويكشف السوء ويجعلكم خلفاء الأرض االه مع الله قليلا ما تذكرون "


الله الله في الدعاء
و تحروا أوقات استجابة الدعاء أثابكم الله وكرروا الدعاء مرات و مرات و إن شفاها الله أعدكم بإرسال رسالة الشفاء
فلا تقنطوا من رحمة الله

الله معاك يا حميدة وربي يشفيك

يارب أجب دعاءنا ياأرحم الراحمين

اللهم امين يارب يشفيك ياحميدة ياغالية علينا فى كل مكان فى المنتدى نتفكرك

اني خلاص معش قدرت نخش للمنتدى كل شئ في المنتدى يفكرني بيها ردودها وجرائتها وصراحتها وعفويتها

مكانها في المنتدى هذا لايوصف الصراحه الكل في الكل

ياااااااااااااااارب يامجيب الدعوات اشفي اختنا في الله حميده وعافيها عاجلا غير اجلا يارب

يارب نسمع عليها اخبار تسر يارب

ان شاء الله يارب

القصة اللى حكت عليها ام طيور زنقة
لو تشوفوها لما دارت حادث مستحيل تعيش هى واختها حادث شنيع كانت تقراء مع اختى احلام وصاحبتها اكثر وحدة وسبحان الله من قال تعيش يارب اكتب لااختى امان الحياة يااااااارب اشفها فانت شافى

لا اله الا الله ربى يشفيها مسكينة الشعب مكلوب سامحونى على الالفاظ لكن هذا الواقع كل مرة تسمعى بحادث شنو هذا مش عارفة امتى بيتنظمو لعند مايكملو الللحارة اللى فاضلة
ربى يشفى امان

اساال الله العظيم رب العرش العظيم ان يشفيك اختنا حميدة

اسئل الله العظيم ان يشفيها اللهم امييييييييييييييييييييييييييييييييييين

اللهم استجب لدعائنا واشفى اختنا امان يا ربي يا سميع يا مجيب

اسمعوا حد يتأكدلي من الخبر تقريبآ آمان في ذمة الله مانيش متأكدة بسرعة

مع السلامة يا نوارة المنتذي يا امان ربي يرحمك ويغفرلك

والله دعينالك بكل ماعندنا ولاراد لحكم وقضاء الله مكانك قاعد في المنتدي ان شاء الله

تمنيت ترد علينا فى هذا الموضوع
الحمد الله على كل حال
ربى يتقبلها برحمتها

سبحان الله والله امبارح اتخايلتا في الحلم مخايلة هكي اتخايلت وحدة راقدة عالسرير وعليها اجهزة تنفس وامركبيلها التغدية من كثرة منخمم فيها الله يرحمك وايصبرنا

ربي يصبرنا ويصبر اهلها واميمتها