صــور بتــاتـي يابنــات نبي رأيكم فيه

كيف حالكم ياعويله نبي نحطلكم صور بتاتي واعطوني رايكم فيهم

نبدأ باسم الله



هذي البدله الصغيرة طبعا دارتهالي ماما قالي صاحب المحل هذي اجدد موديل
وتمشي مع سني قال اسمها (الدلوعه)

شن رايكم في الجوبير متعها قالي بيخدمهالي بالكرستال



وهذي هدية من بابا طاقم ذهب ومعاه حديدة وخاتم شني رأيكم فيها الهدية




وهذي صور مكياجي كامل زعمه ماناقصه شيء




وهذو صورة لوشنات شريتهم من بدي شوب شني رأيكم فيهم حتى هما




صورة بوكسات الكبير اللي ع اليسار هذاكا متع مطبخ من فوق حافظة خبز وتحتها ادراج متعات بخشات وفوط ومستلزمات والوسطيه طاولة حمام تحتها ادراج حتى هى واللي ع اليمين هذا صندوق ينحط في غرفة النوم متع مستلزمات حتى هو فيه ادراج والبوكسات الصغار هذاكا اللي ع اليسار لونه قهوي متع اكسسوارات وذهب من فوق والدرج اللي تحته متعات مكياج مثلا وهذوكا البيج المنقرشات ركبته زي السستم كامل زوز صناديق ومتع كلينكس وهذاكا الكبير اللي مفتوح زي السطل متع كناسه ع اساس بس ماينهانش ينحط فيه شئ



هيا قولولي شني رايكم فيهم

هيا نستنى فيكم تقولولي شني رايكم في بتاتي

روعه بتاتك كله حلو مانقصه شيء ماشاء الله

هيا نزليها قعدت في خاطري

حتى انا
تلبسها بالهناء ان نشاء الله

نزلي الصوره بيش نعطيك رايي

وشن درتي لونها ومن وين اخديتيها

ابعتيلى صورتها يافراشة على الاميل لو تعرفى كيف

انا نستنى فيك شوقتينى فى شوفتها

مبارك عليك يادلوعة لكن نبي انشوفها بالله نزلوها فيسع تربحوا ان شاء الله

نستنو وخلاص

هيا خاطرى نشوفها

وفي الاخير مافيش صورة نزلي الصورة يا فراشة وربي يكملك بخير وتبيديها بالهنى ان شاء الله

تي وينك يافراشة ياحلوة يادلوعة نستنو في البديلة تبيديها بالهنا وعرق العافية يارب العالمين

كيف ينزلو في الصور ياهوووو والله ماعرفت حتى لما نفتح من لابتوب مايطلعوليش ايقونات شن الحل نبي نوريكم بتاتي ضروري

فراشة ابعثي رسالة لآم الشيماء توضحلك كيف اديري
ولا أبعثي الصور بأيميلها هيا اتنزلهم في المنتدى

هههههههههههههه ومازال البحث جاري على الصورة ههههههههه



تبيديها بالهناء يادلوعه وسمعت بيها لكن ماشفتهاش الحق وفي الانتظار

حلوة تلبسها بالهناء انشاء الله
وانشاء الله ربي يهنيك ودوم الفرح والسعاده فى حياتك يارب

اهي بدلتك فراشة حلوة والوانها قنينة ماشاء الله تبيديها بالهني أن شاء الله

شكرا امونه ياغاليه بارك الله فيك بنتعبك معايا اسفه اهو حطيت صورت هدية بابا الذهب حديده بخاتمها وطاقم وشن رايكم فيهم حطيهم مع البدله

ماعنديش فيه جميل فراشة تستاهلي أكثر وربي يهنيك وماشاء الله على الذهب اللي شرهولك بوك
اشييييه خطيبك مش لازم يتعب روحه ويحيبلك ذهب ولا بدلة صغيرة ولا كبيرة هههههههه

ماشاء الله ان شاء الله تبيديهم بالهناء

منورة امونة على التنسيق الحلو منك

سلمك ام الشيماء

مبروك عليك يا فراشه