الحاج ضو والحاج الضاوي وجو شباب السراويل الطايحة

لا لا مبهاك يا فرملة والسروال العربى شن هالمنظر الله يعافينا ويثبت علينا عقولنا بعدين اللى يلبسو هكى عبو بارات تونس ولكن اللى جاهدو واستشهدو أغلبهم حاملين لكتاب الله وبلحيهم ربى يتقبلهم فى الفردوس الأعلى اللهم آمين

يقولوا جابوها شباب السراويل الطايحة

هههههههههههههه تربح يا حاج ولي كيف ما كنت خير

صحه لسانك يا ام محمد على كل كلمه كتبتيها

حبوبه كتب:

صحه لسانك يا ام محمد على كل كلمه كتبتيها

منورة ام محمد على اضافتك القيمه ود. مودة مشكورة
وحبوبة صحة ايديات اللي نزلت الصورة ههههههه

لكن الصورة حق معبرة بالله شني عاجبكم فيهم السراويل الطايحة لاحشم ولا جعرا

الجيل الى سرواله طيح حله بوشفشوفة فضيح

هههههههههههههههههههه نسيت يا امونه يسلموا ايدين لي نزلت الصوره

الله يسلمك يا حبوبة ويبارك فيك أنت وآمان ومش معقولة ينسبو الجيل كله للسراويلهم طايحة والله اللى يلبسو هكى لا فيهم عقول ولا عندهم أمالى بعقولهم ربى يثبت علينا عقولنا وهى بالعقل اللى مش قادر يرفع سرواله يقدر يرفع سلاح ويخش الجبهة مستحيل حسب عرفى وفى ناس شافوهم بعيونهم هاربين لتونس وبعد ما تحررت طرابلس جو ودارو روحهم من الثوار والله المستعان

ام محمد كلامك

صدقتي ياام محمد والله صح كلامك
فيه منهم هربو لتونس وخاصة اللي ساكنين في طرابلس اللي عنده بلاد هربتلها وزيدها يازايد روحو لحياشهم وزعميتهم مع ثورة 17 فبراير
والله عمارتنا ماقعد فيها إللي أني وام ايوب وجارتي ساكنة فوق مني من 16 الساكن قعدو 3 بس فيها أني قلت ماني طلعة من حوشي هيا الموت وحدة كان متت نموت في حوشي خير
المفروض اللي قعدو في حياشهم ماطلعوش منهم يعطوهم مكافآة

كلامكم معجبنيش بكل او انا فهمتش عليكم هههههههههههههه تعرفونى من قبل نفهم من 17 دور

هههههههههههه

اللى مشو الى تونس مش كلهم كيف بعض فى اللى مؤييدين للقدافى وفى اللى خايفين على صغارهم وفى اللى خايفين من العار اللى دايره القدافى فى بنات ليبيا

انا بنحكى على عيلتى انا صح امى مطلعتش واختى وخوتى لولاد

لكن فى عندنا ناس طلعو اولهم سناء اول شئ سناء واختها بس فى الحوش والباقى تزوجو وكان راجلى ديما يطلع فى التلفزيون وخصوصا فى القنوات الاوروبية البي بي سي وسي ان ان والهولندية وقناة العالم ومرة فى الجزيرة والعربية

كان كل مرة خايف على امه وخواته البنات ولما طلعو لتونس هذا وييييييييييييييييين جرى فى وجه الدم حتى انا كنت خايفة هلبا لكن مش على اهلى لانى مش معرفوى فى ليبيا زى راجلى

الحمد الله انا مشيت لتونس وقعدت شهر مع سناء وشوفت الليبيين النازحين ارجو منكم معادش تقولو هاربين

والله القيت عروسة من الجبل عمرها 19 سنة شافتنى فى المحل قالت لى السلام عليكم انتم ليبيين قلت لها ايه والله بدت تبكى ميتة من البكاء قالت لى راجلى فى الجبهة وحطنى فى تونس انا وعزوزتى وخايفة على راجلى هلبا وهى فى الشهر 2 مازال عريس حامل

والله فى هلبا نازحين حالهم يبكى فى تونس

انا نضريتى اللى عنده امكانية ايامات الحرب كان يطلع لتونس

شوفو جبل كانو يوصلو فى نساوينهم لتونس وهما يرجعو وكانو يقولولهم احمى عرضى وانا نحمى ارضى

ام الشيماء الفيلسوفة

والى الامام والكفاح الثورى المستمر

هههههههههههههههههههه

جردة

الله يهديكم خيركم لخبطو أحنى نتكلمو على أصحاب السراويل الطايحة وهما أكثرهم كانو يردحوحاشاكم فى باب العزيزية ومانتكلموش على باقى الليبيين حتى أنى أمى المريضة ربى يشفيها وخوى اللى بلغو فيه لأنه دكتور وعالج الجرحى ومعاهم أختى وبوى مشو لتونس وخاصة بعد ما كثرة الكتابة على الحيوط (جاكم الدور يا نساوين سوق الجمعة ) والحمد لله على النصر المبارك بإذن الله

كلامك 100% يا ام الشيماء واني طبعا ضد السراويل الطايحة والا هالشعر اللي زي الفراريج والا تقول قرش طالع

مافيش احلى من الفرملة ولبس الشباب المحترم بصراحة بس هما قالوا انا اصحاب السراويل الطايحة مش قصدهم بالضبط قصدهم الشباب الجديد والصغير بس ملقوش الا التعبير هذا مع ان والله عندنا اولاد جيران بجد محترمين وسحانين وجو سراويل طايحة وكانوا اول من قدم وفيهم من استشهد من نيران الطاغية وربي يدوم شبابنا وشيابينا ان شاء الله

مش قلت لكم انا نفهم من 17 دور طلعت نفهم من 18 غبرت عليا وخلاص لاز نروح لبلادى ههههههههههههههههههههههههه

ام محمد انا فى الكوجينة تفكرت الموضوع قلت زعمة ردو عليا ولا فاتونى جيت القيت اللله الله على دماغى ياريتنى ماخشيت ههههههههههههههه

ربى يهدى شبابنا