حامد الخفيفي......وفرحه اهله بشهادته

هذا الفارس انا مانعرفه بس نعرف اهله كويس عائله محترمه وقمه في الاخلاق والرقي تربطنا بيهم عشرة طويله ومصاهره

طبعا بالاضافه لاخلاقه العاليه ولجهاده في مصراته طيله شهور هو وسته من اخوته وعدد من ابناء عمه

اضف علي ذلك التزامه الديني وروحه المرحه

حدثت اشياء اثناء الثورة وكان له نصيب كان في جبهه اجدابيا كانت تنزل حمامه ويضع لها الماء اعلي الذراع وهي تقف ع كفه تشربه منه

امام ذهول المجاهدين وكان يقوللهم شوفوا حتي الحمام يشرب من يدي

لو قدرت انجيب الفيديو من اهلا ان شاءالله نحطه وهي تشرب من يده

وكان من بين الناس اللي كانت اتشيل في الجثث اثناء دخول كتائب العار لمدينه بنغازي ....اللي نسوا طبعا انها مقبره الغازي

وله فيديو من امام الدبابات دائما ايجيبوا فيه في التلفزيون وجابته العربيه والجزيرة اسمه كوبري طرابلس اكيد الكل شافه

توفي ابن عمه في جبهه البريقه في رمضان ولحقه خوه حسين في رمضان ومن بعدهم حامد ولازال منهم اربعه في الجبهه ربي يحفظهم هما وكل عويلتنا

الحادثه اللي هزتنا كلنا ماحدث قبل وفاته بساعات

منزلهم مقابل لمسجد معروف في ارض قريش بمدينه بنغازي .....كان احد شيوخ الجامع قد راه في الحلم استشهد ونزل طائر ابيض هائل الحجم واخذه الي اعلي السماء قبل سقوطه

في المعركه يعني صدق الله حين قال احياء عند ربهم فعلا هما احياء فقط الجثه هي التي تضررت

وقاللهم ان رجل شهم من عائله الخفيفي انتقل الي رحمه الله اليوم وروحه الطاهرة صعدت الي مولاها واحسبه من اطهر ابناء هذا الوطن

بعده بحوالي خمس ست ساعات وصلت انباء استشهاده كان يوم لاانساه بكاه الكبير والصغير الجار والاهل تعالت الزغاريد حتي وانا اسرد ماحدث ابكي لا اعرف لماذا

الاعظم من كل هذا عند تعزيتي لامه كانت صاعقه بالنسبه لي لا انساها ماحييت مبتسمه متورده الخدين والله اعطاها حسن وجمال زاد فوقه تتويجه كا ام لمناضلين ومجاهدين

ولشهداء اقسمت ان لاتبكي لو استشهد جميعهم وانا اعتبر هذه الام من انبل مارايت .....ذهلت الي هذه اللحظه

حامد مات عازب غير متزوج اما حسين له من الابناء ثلاث اسال الله ان يرحمهم ويصبر اهلهم واحبابهم ويحسن خاتمتنا

[center]https://www.youtube.com/watch?v=5SokVr1ruoo

انا لله وانا اليه لراجعون

الحمد لله ربي ارزقه بالشهادة سبحان الله صورته كانه حى وهو مبتسم

تعرفي امس مشيت عزيت في شهيد سبحان الله الصبر اللى عند امه وكيف تدعيله

وتعرفي من فترة في بداية الاحدات مالف اغنية هوه واقاربه على لحن الحلم العربي يجيبو فيها في المسموعة فيه مقطع يقول فيه هو يقول

اه يا ولد بلادى انا الشهيد انادى بنوصي ليك وصية ما تفرط في ارض اجدادى

وفيه مقطع تانى يقول للشهادة يزفونى

سبحان الله تقول كان يوقض بشهادته

ربي يتقبلهم برحمته ان شاء الله

ويصبر اهلهم على فراقهم

ايوة ربي يصبر هلهم ويتغمدهم برحمته .....حتي في الشهاده ابدعوا

ان شاءالله انشوفك يابلاد الاولي في كل شي

منورة ام ايوب

بسم الله ما شاء الله

الله اكبر الله اكبر على البشرى لي في وجهه منظره يفتح النفس ما تقوليش ميت

ربي يصبر اهله عليه والله الفراق صعب

نسأل الله أن يحشرنا مع النبيئين والصدقين والشهداء

وربى يصبر اهله