نبو شوية ظبط

موضوع: نبو شوية ظبط 2010-10-09, 22:38

حبيباتي العضوات انا عندي اقتراحات اتمنى يتسع صدركن ليها وتتفهمنها واللي خلاني نقولها محبتي وحرصي على المنتدى اولا انا اقترح بما انا المديرة ليبية وغالبية العضوات ايضا ليبيات المنتدى يكون له سمة ليبية واضحة في العنوان الرئيسي للمنتدى عبارة او رسمة ليبية تشوفها تعرف انه ليبي فهمتن قصدي ريتن المراة اللي في فتكات تشوفيها تقولي مصرية والمنتدى مصري والا زي اللي في منتدى الكساد الصورة تقولك هذا ليبي بتقولن ليه؟ انا شفت ان تواجدنا عالشبكة قليل وخاصة كمنتديات نسائية ينعدن عالاصابع لذلك لازم نعرفوا بانفسنا وهذه امور بسيطة ما تبي امكانيات كبيرة اتمنى تكوننن فهمتن قصدي.
ثانيا انا افترض ان هالمنتدى على مذهب اهل السنة والجماعة اتمنى ان يذكر هذا في العنوان (باقة متنوعة للمرأة)والتشديدعلى ان يكون فيه ظوابط للأسماء اللي يختارن فيها العضوات خاصة والمنتدى في بداياته ومرشح انضمام المزيد من العضوات وايضا الصورة الرمزية انا شفت اليوم عضوة حاطة صورة امرأة سافرة(بلا حجاب) فارجوا انه يتم التبيه لهذا الامر عند التسجيل زي ماهو معمول في اغلب المنتديات الاخرى اتمنى اكون وفقت في نقل وجهة نظري ليكن .

موضوع: رد: نبو شوية ظبط 2010-10-09, 22:52

بارك الله فيك وجزاك الله كل خير
والحمد لله توقيعي مافيشي أي عيب أو خلل

موضوع: رد: نبو شوية ظبط 2010-10-10, 00:41

مرحبا زينة

بالنسبة لاقتراحك الأول هو بيد المديرة والمديرة أم الشيماء الله يعينها حاليا, وسناء كمان الله يكون في عونها المنتدى أصبح على عاتقها...

يعني المسألة مسألة وقت والمنتدى قاعد يتطور مع الوقت....

موضوع: رد: نبو شوية ظبط 2010-10-10, 00:55

انى معاك يا زينة وفعلا إقتراح رائع ربى يقوم أم الشيماء بالسلامة وأكيد حتعمل بيها وفقق الله وخيتى وجزاك خير الجزاء اللهم آمين jh gjhgv gj

موضوع: رد: نبو شوية ظبط 2010-10-10, 01:08

حتى توقيع متع اشهر الحمل نحس فيه مش لائق
ولا شني رأيكم في بنات

موضوع: رد: نبو شوية ظبط 2010-10-10, 01:26

موضوع: رد: نبو شوية ظبط 2010-10-10, 07:30

اقتراحاتك حلوه زينه وان شاء الله سيعمل بها ولكن مع الوقت بارك الله فيك

امان شريط الحمل عادي مافيش اي شبهه والا سفور يعني انى اشوف فيه عادي

مشكورين

موضوع: رد: نبو شوية ظبط 2010-10-10, 20:36

كالعادة جماعتي هم هم اللي يردوا ربي يخليكم ليا وتنعوشوا مواضيعي بالردود الحلوة والباب لا زال مفتوح للنقاش بكل روح ديمقراطية انا شايفة الظوابط توضع قبل العمل وليس العكس تصويب الاخطاء امر صعب وياخذ وقت وربي يعاونك يا سنا ويردلنا ام الشيماء بخير.

موضوع: رد: نبو شوية ظبط 2010-10-10, 23:37

ربي يهدي ويصلح الحال

موضوع: رد: نبو شوية ظبط 2010-10-11, 16:47

انا معك زينة
وخصوصا في ضوابط الصور سواء رمزية او توقيع لازم يكون فيه انضباط
جزاك الله خيرا

وليكن دائما شعارنا
نلتقي لنرتقي

ونحن نعتز بالمنتدى انه يضم كل الاخوات من كل جنسية عربية هما منا ونحن منهم

يعني هذا المنتدى للمسلمات من اهل السنة والجماعة

بارك الله فيك وفي كل الاخوات

موضوع: رد: نبو شوية ظبط 2010-10-12, 01:11

هوا نبو ضبط حتى في الالتزام بدخول المنتدى
من نهار اختفت ام الشيماء العضوات لول لول يختفو
ياريت يرجعو زي قبل ام الشيماء مستنده عليكم وعابية تقيمولها منتداها بمواضيع والهدرزة والفرفشة والضحك
ياريت ترجعو زي ماكنتو ياريت

موضوع: رد: نبو شوية ظبط 2010-10-12, 01:42

آمــان كتب:

أمان أنا أختلف معك في رأيك هذا

كل وحدة ولها ظروفها وهذا المنتدى كسائر المنتديات ليس به توقيع حضور, ولا وقت معين للدخول او دوام, كل وحدة تدخل حسب الظروف والظروف تختلف من شغل أو اولاد واو تنظيف بيت او أي نوع من انواع المسؤولية...

وخاصة الفترة الماضية وانا اتحدث عن نفسي ما دخلت لأن اولا الأولاد كان عندهم تطبيقات وثانيا النت ضعيف وأيضا امس طلعنا من البيت...

شفتي يا امان هناك عدة أسباب لعدم دخول أي وحدة منا....

موضوع: رد: نبو شوية ظبط 2010-10-12, 10:04

ههههههههههههههه

لايا جماعة احنا مانوصلوش لهذه الدرجة
الحضور حسب راحة العضوة الموضوع كله هو تسلية وتبرع من كل واحدة
حسب رغبتها

بس مطلوب من كل وحدة فينا انها تتواصل مع اخواتها بقدر الامكان بدافع الحب في الله لان فعلا نحنا محتاجين لبعض ونونسو في بعض
خصوصا اللي هما خارج الوطن

والاصلاحات حتى هي حسب الامكانيات

بس ام الغيداء ترجع بالسلامة
وناقشو التطويرات كلها

موضوع: رد: نبو شوية ظبط 2010-10-12, 10:41

فعلا الحب في الله ولله وحب الإفادة والاستفادة ومشاركة الخبرات وحب الخير للناس هي الدوافع السامية والراقية وراء مساهمة أي وحدة منا في المنتدى....

موضوع: رد: نبو شوية ظبط 2010-10-13, 06:26

بارك الله فيك كلامك مضبوط وخصوصا فى موضوع وضع ضوابط فى الصورة الرمزية والتوقيعات واكيد ام الشيماء ربى يرجعها بالسلامة سوف تضع ذلك فى عين الاعتبار واتمنى ان يكون هذا المنتدى احسن منتدى على النت بعضواته المتميزات وجزاك الله خيرا اختى الكريمة على حرصك على المنتدى

موضوع: رد: نبو شوية ظبط 2010-10-13, 07:37

انا بالنسبة ليا المنتدي عاجبني في كل الاحوال هههههههههههههههه
ومواضيعك واقتراحتك حلوة زينة وان شاء الله من تقدم الي تقدم ان شاء الله
وبالنسبة ليا انا صورتي عادية بنت وسمة يعني مش حتي حقيقة رسوم لاغير وتوقيعي مافيشي اي ضرر
نبو شوية ظبط 29742

ان شاء الله

موضوع: رد: نبو شوية ظبط 2010-10-15, 20:57

السلام عليكم رجعتلكم بعد غياب لكن كنت متابعة ردودم مرة مرة نسرق روحى ونخش على المنتدى
لكن كزائر خايفة منكم تاخدونى بالعين ههههههههههههههه
او تقولو مديرتنا مهبولة ثانى يوم خاشة على المنتدى قلت خلى نعقل شويا وندير عقل ونخش بعد اسبوع لكن مقدرتش رجعتلكم بعد 5 ايام ههههههههه

المهم موضوعك يازينة حلو بخصوص الشعار انه يكون فى تميز للمنتدى وانه يدل على انه ليبيات
لكن فى الاول فتحت المنتدى على اساس يكون كله ليبيات وبعدين حسيت بانها فيها عنصرية وتمنيت انه يكون المنتدى من جميع الجنسيات
يعنى غير لائق انى انحط شعار فى المنتدى يدل على انه ليبي فقط
وانا يعجبنى انى انحط شعار مثلا عجوزة او اى شئ مثل منتدى الكساد
وان شاء الله جاى التفكير والعمل به وكيف ماقلت مسألت وقت وان شاء الله يصير خير
وبخصوص التوقيع وشريط الحمل نحس بيه عادى بلعكس انا كيف كنت حامل كل يوم نخش على توقيعى ونشوف البيبي لعند وين وصل هههههههههه
وكيف شكله وقداش مازالى يوم ونولد
وتقريبا كل المنتديات النسائية تستعمل فى هذا الشريط
او شنو رايكم

وبخصوص الصور الغير لائقة فى التوقيع جارى تعيرها بإذن الله
والتوقيع ياااااااااااااريت تنقصو منه وانت يازوز نقصى من الصور توقيعك لان بنتى جنى خايفة منه ومترقدش فى الليل

ولى عودة ان شاء الله

موضوع: رد: نبو شوية ظبط 2010-10-15, 21:12

ماشاء الله تبارك الرحمن حصنتها بالحي القيوم زي القمر باسم الله العظيم
ربي يحفظلك بنتك وأن شاء الله من قسمك ياأم الشيماء ويحفظها ويطول في عمرها ويحفظ الشيماء ومحمد
ويونسك بيهم
وبعدين نحساب سميتها غيداء خيرك غيرتي أسمها
المهم اجعلها من حفظت القرآن ومن حملة كتابه الكريم
اللهم أمين

موضوع: رد: نبو شوية ظبط 2010-10-16, 05:04

أم الشيملء حمد لله على سلامتك اختي وما شاء الله تبارك الرحمن

بنتك حلوة ربنا يحميها لك يارب ويجعلها من الذرية الصالحة التي تقر عينك بها ومن حملة كتابه الكريم

موضوع: رد: نبو شوية ظبط 2010-10-16, 05:13

ماشااء الله يارب تتربي في عزك ان شاء الله

وعلمتيها من توا في النت هههههههههههههههههههههه

» أضحك شوية
» تعالن هنا ياخيتي نبي نحكي معاكن شوية
» شوية صور من العيد
» الدرس الثاني *شوية دسم *
» شوية اضحك ...اشوية استغرب ....