فطائر بالوان تزهي العين والخاطر

السلام عليكم ورحمه الله وبركاته



كيف حالكم كلكم
وانشاء الله كل عام وانتو بخير وبالصحه والسلامه
تاخرت عليكم بس والله ليكم وحشه
انشغلت نهايه شهر رمضان وبعدها بديت نقرا في سكول انقلش
نوع من التغيير
بس بجد وحشتوني



وماحبيتش نجيكم فاضيه فجبتلكم وصفه معجنات معاي درتها في نهايه الرمضان



سميتها فطائر محشيه






المقادير زي ما موضح في الصوررة
دقيق وشويه زبده وكاشيكين ياغورت وشويه خميره خبزه وشويه بيكنبودر وللتلوين بنجر مسلوق ومهروس وجزر مسلوق ومهروس
وشويه شبت تقرضيه وتضربيه في الخلاط مع شوية اميه تتكون عندك زي الميه خضراء




تخلطي الدقيق حسب الرغبه مع كاشيك زبده في حراره الغرفه العاديه وكاشيكين ياغورت والخميره والبيكنبودر والبنجر المسلوق والمهروس تخلطيهم مع بعض بعدين تعجنيهم بميه دافيه لين تكون عندك عجينه متماسكه زي البيتزا

ونفس المقادير اديري بدل البنجر الجزر المهروس
ونفس المقادير تعاوديها بالشبت وتخليهم يخمروا
وهذا شكلهم بعد ماخمروا




وبعدين خديت كل عجينه وحشيتها بحشوة مختلفه وتقدروا اديروها بنفس الحشوة

انا درت حشوة بصل +دجاج وتوابل للعجينه الحمره

ودرت تن + هريسه وزيتون للعجينه الخظراء
ودرت بطاطا مكعبات مقليه وبيض مطبوخ وبازليلا مسلوقه وجبنه للعجينه الصفراء


وشكليهم زي ماتحبي وحمريهم في الكوشه
وهذا منظرهم










وان شاء الله تعجبكم


واستنوني في وصفات جديده

كل عام وانتي بخير سارهمو....انستينا بعد الغيبة واكيد نتظر في المزيد من وصفاتك الرااااااااااااااااائعة



[URL='http://hh7.net']مركز تحميل[/url]

ما شاء الله عليك يا سارهمو ابدعتي والله شكلها مغري ويجنن يسلموووووو هالانامل

اكيد ما تحرميناش من وصفاتك الحلوه ونستنوا في جديديك

وياريت ما طوليش الغيبه لانك الايام لي فاتوا مكانك فاضي في المنتدى

كلي أمل كتب:

كل عام وانتي بخير سارهمو....انستينا بعد الغيبة واكيد نتظر في المزيد من وصفاتك الرااااااااااااااااائعة



[URL='http://hh7.net']مركز تحميل[/url]

كل عام وانتي بخير كلي امل

حتى انتو والله ليكم وحشه
النور نورك حبيبتي

حبوبه كتب:

ما شاء الله عليك يا سارهمو ابدعتي والله شكلها مغري ويجنن يسلموووووو هالانامل

اكيد ما تحرميناش من وصفاتك الحلوه ونستنوا في جديديك

وياريت ما طوليش الغيبه لانك الايام لي فاتوا مكانك فاضي في المنتدى

تسلمي حبوبة
وكل عام وانتي بخير
باذن الله حنكون متواجدة معاكم والله مانستغنى بس شوية ظروف القرايه
بس اكيد حنحاول نكون اكثر وقت الراحه
معاكم
ويا رب ماتفقدي غالي ان شاء الله

أبدعتي يا سارهمو

تطبيق جميل وشغل مشهي وبإذن الله نجربها

بارك الله فيكي

كل عام وانت بخير ولك وحشة وانستينا بعد الغيبة

وعودة حلوة مع فطائر احلي

ان شاءالله نجربهن

نورتي المنتدى وتسلم ايديك ومننحرمش مش جديدك

ما شاء الله الفطائر شكلها يشهى مشكورة ابدعتى وننتظر منك المزيد

ماشاء الله عليك

مها كتب:

أبدعتي يا سارهمو

تطبيق جميل وشغل مشهي وبإذن الله نجربها

بارك الله فيكي

تسلمي اختي مها
فيك بارك الله
ومشكوره على المرور

المهندسة كتب:

مشكوره يا غاليه على المرور

مرام البيان كتب:

كل عام وانت بخير ولك وحشة وانستينا بعد الغيبة

وعودة حلوة مع فطائر احلي

ان شاءالله نجربهن

وانتي بالف بالف خير مرومة
حتى انتوا والله ليكم وحشه
تسلمي يا غاليه وجربيها
مشكورة على المرور

ام الحلوين كتب:

نورتي المنتدى وتسلم ايديك ومننحرمش مش جديدك

النور نورك يا غاليه
تسلمي يا رب وبارك الله فيك
ومشكورة على المرور

ام ايوب كتب:

ما شاء الله الفطائر شكلها يشهى مشكورة ابدعتى وننتظر منك المزيد

الله يخليك يا رب
مبسوطه انها عجباتك
ومبروك عليك الفوز يا غاليه
اسفه جت متاخره

*أم الشيماء* كتب:

ماشاء الله عليك

تسلمي ام الشوش
وربي ينوضك بالسلامه ان شاء الله

ام مآب كتب:

تسلم أيديك يا سارهمو ما شاء الله عليك

الله يسلمك ام ماب
مشكورة