الكنة وعزوزتها

السلام عليكم



اليوم بنحكيلكم على موقف صار قعدت اسبوع كل منتفكره نضحك

يوم اللي فطرنا عند ام الشيماء اني وام اويس وعزوزتها طبعا فطرنا وبعدين جبنا الشاهي والكيكة وناكلوا ونهدرزوا وصلنا في مقدمنا احني اللي برا ليبيا
لانه مش عارفين اخر شئ في ليبيا في كل شئ اللبس وكل شئ كيف جت جبذنا سيرة الزمزامات واخر مرة اسمعناهم من اعراسنا وهكي هكي قالت ام الشيماء
بنسمعكم زمزمات تضحكوا لين تشبعوا عليها متاع االاي حليمة

واحني نسمعوا فيها وكيف الكنة قلبت الراجل على امه
وبانسجام طبعا ام اويس بجنب عزوزتها ومقابلينا اني وام الشيماء لين يجئ مقطع اللي قصت فيه رجل الراجل على امه
وتطلع ام اويس بالكلمة القنبلة
ريتيها فالحة
ههههههههههههههههههههههههههه
طبعا اني ضربت في راسي طول قلتلها شنووووووووووووو وكان تشوفوا عزوزتها ههههههههههههههههههههههههه
عيونها طلعوا من مكانهم وهي تشوفلها طبعا هي اتلخبطت واللي فضحها اني وام الشيماء معاش قدرنا نسكتوا تعرفوا سايخين بالضحك
ههههههههههههههههههههههههههههههههههههههههههههههه
وهي قصدها انها شيطانة لكن كيف قالتها حاجة مش عادية بكل
والله بدموعي وهي تحشمت واحني ولا تحشمنا واسكتنا لالالالالالالالالالالالالالالالالالا
ضحك وخلاص المهم تحلفت فينا اللي لما تردها

والله الحق الحق حطيناها احني في موقف والله لاتحسد عليه
لكن والله ماقدرت انشد روحي صراحة
وحئ حئ تو هي ليبيا تو تجئ وتلقانا منزلين عليها موضوع هههههههههههههههه
ياويلي