ماذاأعددتى على سفرة الافطار اليوم

صحيتي ياام ماب توا انجربهن ونقولك

منورات حتي في رمضان ناشطات يعطيكن الصحة

فطوري اليوم علي الهدوء مادرتش حاجات واجد كيميا وشربة ليبية ومكرونة مبوخة وعندي بطاطا ومبطنة وبوريك في

الفريز طلعته متريحة ههههههههههههههههههه الراحة حلوة بس بكرة لازم من حاجات جديدة

وينك يا كلي امل عاش من شاف اسمك

صحة فطوركم
ام الشيماء هدا الفطور اللى درته لخوي واخيرا نزلو الصور
هدا الحلو لليوم

بوريك


الفليفلة

االبيتسة

المبطن

شرايح الدجاج بالخضرة

سلاطة عربية وسلاطة البدنجال

وطبعا اكيد هدا كله مع الشربة

منعرفش خيرهم الصور هكى طلعو
مرام تو نكتبلك طريقة كفتة الدجاج والبوغاشة حاجة حلوة خفيفة وسريعة تو نكتبلك الطريقة

مرام البيان كتب:

وينك يا كلي امل عاش من شاف اسمك

تسلمي مرومة

ام ايوب ماشا ء الله عليك سلمك يدياتك...وفي انتظار طريقة البوغاشة انا نسمع بيها يمكن ناسيتها

صحه فطوركم جميعا وربي يديمها نعمه على الجميع

كلي امل انستي ونورتي المنتدى على فكره مكانك كان فاضي والله ديمه نخمم ونقول خيرها معش تخش لانك كنتي مونستيني في المنتدى في الليل وبعدك جتني الغووووله وتو نقولك شن دارتلي

ام ايوب يسلمو ايديك فطورك حلو ومتنوع اكيد عجبه يناري اني اليوم لي جاني فيه كنت مش قادره حتى نمشي على رجليه من التعب طول الليل واني نعاني في الصغاري لكن توا الحمد لله والله ماقصر راجلها ام ماب بارك الله فيه هذا الدكتور والا بلاش ههههههههههه

ان شاء الله غير يجيني مره تانيه خوي بس بيش نرقع الجيه لي فاتت شويه قول ان شاء الله عاد

اني فطوري اليوم شربة حوت وشوربه لحم وبيتزا وبوريك وقلايه وخلاص نعمه الحمد لله

ام ايوب كتب:

http://www.0zz0.com/index.php?sid=2e33fb4d9fcee25e17e2f558200604df

ام ايوب انت حملتى رابط الموقع
لا غلط حملى رابط اللى تحت الصورة

ام ايوب كتب:

صحة فطوركم
ام الشيماء هدا الفطور اللى درته لخوي واخيرا نزلو الصور
هدا الحلو لليوم

بوريك


الفليفلة

االبيتسة

المبطن

شرايح الدجاج بالخضرة

سلاطة عربية وسلاطة البدنجال

وطبعا اكيد هدا كله مع الشربة

ماشاء الله عليك
كفيتى وفيتى
سفرتك تجنن

لكن صورك صغيرات يافقرية
شكلك انستى انا نحن فى شهر رمضان شهر
الكرم اكرمينا بالصور اكبر












انبصر عليك اهو خير من بلاش

ما شاء الله ام ايوب على سفرتك

اكيد خوك لقها احسن منى انى و حبوبة


اليوم مش عارفة شن بندير حائرة

تو نقل من سفرة ام ايوب

عندى جارتى مروحة من العمرة تواء تعبانة نبى نبعتلها الفطور مسكينة ماشية للعمرة فى السيارة

مش عارفة شن بندير بيش نبعتلها

ليا عودة بعد التطييب

حبوبة راجلى هذا واجبه ادللى من عندنا أعز من صغارك

انشاء الله لاباس عليهم

السلام عليكم
الف لاباس على صغارك ياحبوبة انشالله ماعندهم سو
ام ايوب وين امغطسة انراجى فى جيتك فى رمضان شورك لاهية فى توتاى السفرههههههه
انا امس فاطرة عند اختى واليوم عند شيابينى متريحة
اليوم درت بسبوسة بس

يا المميزة انتم معودينا كل سنة اتجو تفطرو عندنا شنى شكلكم بتفوتونا السنة هده وانى اتفقت انى وحبوبة بنجو نسهرو عندكم ليلةان شاء الله
انى اليوم الفطور درت بيتسة ملفوفة ومكرونة صالصة بالمفروم وشرائح البطاطا بالمفروم وبنسخن شربة امس وياسر اليوم عيانة

السلام عليكم
مرام كتبت
ام ايوب شنوا البوغاشة ؟؟؟؟
ام ايوب عطيني طريقة كفته الدجاج ان شاءالله اتكون حاجة جديدة
مليت من الروتين
مرام هده طريقة البوغاشة
المقادير
كوب وربع دقيق وبيضة و2ملاعق كبيرة زيت وقليل من الفانيليا وقليل من الماء بحيت تعجن
الطريقة
بعد عجن العجينة اقسميها الى تلاتة كرات
وبعدين خودى العجينة الاولة وحليها بالنشابة متخليهاش غليظة حاولى ترققيها
وبعدين حلى العجينة التانية بنفس السمك وحطيها على الاولة
وبعدين حلى التالتة وحطيها عليهم
وبعدين خودى النشابة وزيدى حليها العجينة والطبقات التلاتة على بعض حتى يلتصقو في بعض
وبعدين قصيها حسب الرغبة مربعات او دوائر او بفورمات الحلوات وتكونى حاطة الزيت على النار ويكون ساخن واقطعى العجينة وحطى في الزيت طبعا اول ما تحطيها شوية وتنتفخ وما اتطولش على النار فيسع ما تتحمر وطلعيها من الزيت حطيها في العسل شوية وبعدين رشى عليها جوز الهند او لوز مهروش
وتاكليها بالف صحة وعافية
جربيها حلوة وساهلة وسريعة


وتوة طريقة كفتة الدجاج
خودي الدجاج واسلقيه في امية على النار وخودي بطاطا اسلقيها
اهرسي البطاطا جيدا وافرمى الدجاج وحطيه مع البطاطا وابشرى عليهم بصل وضيفيلهم ملح وفلفل اكحل وحرارات وكسبر اخضر مفروم ناعم وبيضة وخبزة مرحية وبعدين شكليها اصابع وغلفيها في الخبزة المرحية واقليها
وطبعا البطاطا مش هلبة خلى اغلبها دجاج وممكن البطاطا متسلقيهاش ابشريها بشر واعصريها من اميتها وضيفيها للدجاج حتى هكى اتجى حلوة مجربتها وانتى اختارى
طبعا اكيد بتقولي فتفاتة طالعه لاختها هههههههههههههه
واى استفسار تفضلى

بارك الله فيك ياام ايوب صحيتي ويعطيك العافية توا انجربهن هنا الاثنين ونقولك رايي ولو انها شكلهن حلوات

من فتفاته؟؟؟ حشاك حبيبتي نحنا هنا خاشيين نتعلموا من بعضنا ونفضفضوا لبعضنا مش خاشين عشان

نتحشموا ونجاملوا بعضنا وبالعكس بدون مجاملة منورات المنتدي انتي وخواتك

وربي يخليكم لبعضكم ويونسنا بيكم كلنا ان شاءالله خيات وماحد المفروض يتحشم

الله يسلمك يا مرام على الكلمات الحلوة

انى اليوم طيبت :

شربة عدس شربة عربية ومبطن الجبنة وفليفلة وكمبوسكة وكفتة من امس


والله يدوم النعمة

صحة فطوركم..كفتة الدجاج يا ام ايوب نفس الطريقة امتاعي جربيها يامرام اتهبل حلوة

شكرا يا مرام وفعلا تعودت على العضوات اللى في المنتدى ونحس فيهم صديقاتي ان شاء الله ربي يونسنا ببعض
والكفتة شجعاتك عليها كلى امل جربيها
انى غضوة فاطرين عندى سلفاتى ومش عارفة شني بنديرالفطور قلت خلى انخش انقصقص ونشوفكم شنى درتو اليوم خيركم ما فيه حد كتب فطوره واستفدت منه

احلام كنك لاباس عليك ان شاءالله مش مريضة

مافي حد يدخل يطول في المنتدي فلذلك ماحد ينتبه من مادخل الا بعد كم يوم

ماتزعليش

ماهو عارفين النت عندك ضعيف

شنوا فطورك ووين الصور؟؟؟

ماشيا ياام الحلوين عند تهانى

خاينة كان قلتيلي راني جيت

عزومت امس
عزمت ام الحلوين وام اويس وطبعا ام اويس عندها عزوزتها جت من ليبيا
وهذا كان فطورى


هذه الكيكة الباردة دارتها ام الحلوين
وطبعا انا درت باسطى عادى وماحطيتاش ههههههههههههههه

كيكة ام الحلوين غطت على كل شئ
بصراحة والله تحفة ياريتكم دقتوها

تجنن والله



























ومعاها سلاطة وشربة

ووووووووووو بس

ام الحلوين تربحى ماتفضحينيش وتقولى وين صورت الصورة الاخيرة

راهو فضلت طاستك صورتها

وحدة بوحدة
ههههههههههههههههههههههه






شنو رايكم



اه نسيت هذه كيكتى لكن محطيتهاش
الحمد الله اليوم عندى طلعة رفعتها معاى
ههههههههههههههههههه

انا اليوم فطورى شربة عدس وبيتزا ودحى املبس وسلة حارة

والله هذا وي استقضت من يوم العزومة هههههههههههههههه
فرحانة معزومة برا مرتاحة من التطيب
درت الهمبورجا والكيكة وجاني خبر من زوجي انه يبي فطور للرجالة لما قال العدد قعدت فاقدة 5 دقائق


عاودت درت حريرة ورز بالخلطة وخبزة كسكاس يعني كرهت شكل الغاز والله الله

ام الشيماء مش حنقول مش لاني خايفة لكن كان انقوللهم وين مصورة الصورة يفقدوا الثقة فيك هههههههههههههههههههههههههههه
ويغيروا نظريتهم على اللي عايشين برا وحيحي كان شافاتك عزوزة ام اويس راهو مكلت منك حاجة