موسوعة الأكلات القابلة للتثليج في الفريزر

بالنسبه للقرع يامها يطلع طري وكانه طازج بس يبي نار عاليه عشان تتخلصي من الميه الموجوده فيه

انتي جربتيه احكيلي شن صار معاك؟؟؟؟؟

انا توا نبي نجرب شويه حاجات للتفريز اذا شاءالله ودرتهن حنزلكم صورهن واذا ماصار خلوها السنة الجايه

هاهاهاهاها

بارك الله فيك يامها على الموضوع الرائع والله هذا وين شفته للأسف على العموم بارك الله فى كل الاخوات اما عنى فأنا كنت نفرز المعدنوس والخضروات الورقية عادى تغسل وتنشف وتقطع وتفرز لكن سمعت انها تفقد الكثير من الفيتامينات والافضل توضع فى ماء فى كيس او تبلويرات صغار فى الفريز وبعدين مثلا للشربة تكون الكمية ما يسد الوجبة تطلعى الكيس او التبلوير وتحطيه شوية تحت الماء العادى وتطلعى طريف الثلج اللى فيه المعدنوس مثلا وعلى طول فى الطنجرة وانى عادة نحب الطازج ولكن مرات المبطن نوتى وجبتين وجبة طازجة والاخرى نقيمها فى الفريز اقصد الحشو بس يعنى الحشو تحضريه وبعدين تطيبيه لوحده وبعد ما يبرد ينقام فى الفريز وطماطم الشربة حتى هو كنت نرحيه فى الخلاط ولكن اخدت طريقة منال العالم وهى حطى حسب ما تبى من الحبات فى كيس وعند الحاجة طلعى من الفريز وعلى الخلاط وارحى وقتى وبالنسبة للبيتسا نوتى الصالصة بس وحتى هى متع وجبتين او 3 وهكذا وعلى فكرة وهذى حتى من غير رمضان لان مرات نديرو طبيخة الفاصوليا وهى افضل وانفع من المعلبة انى والله المعلبة ما تخشلى حوش ناخد الكمية اللى عندى ونبيها من الفاصوليا البيضاء او حتى فاطنة هانم ههههههههههه اكيد تعرفوها وانقعها وبعدين نطيبها مع بصل ولحم وشوية زيت وتملح فقط وبعد النضج تترك لتبرد تماما ثم توجب اما فى تبلويرات او حتى فى اكياس خاصة بالفريز وعند الحاجة او كنت مشغولة وتبى اكلة سريعة ما عليك الا تطفى وتطيبى شوية مرقة وهى تغلى تطلعى الفاصوليا المجمدة وتشيليها من التبلوير اة الكيس بوضعة ثوانى فى ماء عادى وتحطيها على طول فى المرقة وتهدى النار وكذلك الحاجة اللى نحرص احيانا على تفريزها الدجاج لما نغسله وهو طازة يعنى مش مجمد ناخذ جزء نتبله ويبقى ساعات فى الثلاجة ثم نستفه فى طاجين بايركس ونلفه كويس فى نايلو او فى كيس ونحطه فى الفريز ولما نبيه نطلعه ونحطه على طول فى الفرن وكذلك الكيما نجهز كمية باهية ونوجبها وهذى كويسة فى رمضان لان نستحقولها اغلب الاحيان وام الثوم فنعمل فى تقلية وتكون كمية من زيت الزيتون المعصور على البارد ونحط فيها كمية باهية من الثوم ونحرك شوى ثم نضيف كمية باهية هلبة من الكسبر الاخضر المغسول طبعا ومقرض وتحركى بسرعة وتطفى النار وبعدين حسب ما تحبى تقسميه انى نحط كواغط المقروض او الحلويات المشمعة من الداخل ونستفها فى سفرة ونعبى كل وحدة وبعدين نحطها فى الفريز حتى تتماسك كويس وبعدين انطلعها ونعبيها فى اكياس او تبلويرات وهى مفيد صحيا اولا وتحلى الطبايخ وخاصى طبيخة الباميا ومرات نحط فيها حتى فى المبكبة او بعض الطواجين وديما تنضاف فى الاخير تعطى وبالنسبة للحلويات انى مجربة الخرشوفة او الصنوبرة تحطيها من غير تعسيل فى فازوات وعند الحاجة تطلعى وتعسليى فى عقدة ساخنة وكذلك المقروض وحتى الغريبة تبقى زى ما هى فى الفريز يارب انكون افدتكم ولو قليل ووكان تفكرت حاجة توة نوليلكم والسلام عليكم

وبالنسبة للحلويات انى مجربة الخرشوفة او الصنوبرة تحطيها من غير تعسيل فى فازوات وعند الحاجة تطلعى وتعسليى فى عقدة ساخنة وكذلك المقروض وحتى الغريبة تبقى زى ما هى فى الفريز يارب انكون افدتكم ولو قليل ووكان تفكرت حاجة توة نوليلكم والسلام عليكم


ماشاء الله عليكي أم محمد

معلش اليوم بس رجعت للموضوع هههههههه

بالنسبة للحلويات عمري ما ثلجتهم الصراحة أفكار حلوة, يعني انتي بتعسلي الحلويات بالقطر الساخن وهي مثلجة؟